UEFA Avropa Liqasının qrup mərhələsinə yekun vurulub.
Sportnet.az-ın məlumatına görə, VI turun son 12 matçının yekununda daha 5 vəsiqənin taleyinə aydınlıq gəlib. Türkiyə təmsilçilərindən yalnız "Başakşehir" 1/16 finala yüksəlməyi bacarıb. İstanbul komandası Almaniyada Mönhenqladbax "Borussiya"sını 2:1 hesabı ilə yenib. J qrupunun paralel matçında "Roma" İtaliyada Avstriya "Volfsberq"i ilə 2:2 hesablı heç-heçə edib. Nəticədə "Başakşehir" qrup lideri, "Roma" isə 2-ci yerin sahibi kimi mərhələ adlayıb.
Türkiyənin daha 2 təmsilçisi - "Beşiktaş" və "Trabzonspor" isə qrupda qalıb.
Qalan 3 vəsiqəni isə “Reyncers”, “Porto” və “Lüdoqorets” əldə edib.
Beləliklə, 1/16 finala İspaniyanın "Sevilya", "Espanyol" və "Xetafe", İngiltərənin "Mançester Yunayted", "Arsenal" və "Vulverhempton", Portuqaliyanın "Portu", "Braqa" və "Sportinq", Almaniyanın "Ayntraxt" və "Volfsburq", Şotlandiyanın "Reyncers" və "Seltik", İtaliyanın "Roma", Hollandiyanın AZ, Türkiyənin "Başakşehir", Belçikanın "Gent", Avstriyanın LASK, Bolqarıstanın "Lüdoqorets", Rumıniyanın ÇFR, Kiprin APOEL, Danimarkanın "Kopenhagen", İsveçin "Malmö", İsveçrənin "Bazel" yüksəlib. Onlara Çempionlar Liqasında qrup mərhələsini 3-cü pillədə başa vurmuş 8 klub - Almaniya "Bayer"i, İtaliya "İnter"i, Portuqaliya "Benfika"sı, Hollandiya "Ayaks"ı, Belçika "Brügge"si, Yunanıstan "Olimpiakos"u, Ukrayna "Şaxtyor"u və Avstriya "Zaltsburq"u da qoşulub.
Qeyd edək ki, 1/16 final mərhələsinin püşkü dekabrın 16-da atılacaq.
---------------------
UEFA Avropa Liqasının qrup mərhələsində son tura start verilib.
Sportnet.az məlumatına görə, VI turda Azərbaycanın təmsilçisi "Qarabağ" doğma meydanda Lüksemburqun "Düdelanj" klubu ilə heç-heçə edib - 1:1. A qrupunun digər matçında növbəti mərhələyə yüksələn komandalardan APOEL Kiprdə İspaniya "Sevilya"sını məğlub edib - 1:0.
B qrupundakı nəticələrdən sonra "Kopenhagen" (Danimarka) və "Malmö" (İsveç) 1/16 finala vəsiqə qazanıb. Evdə İsveçrə "Luqano"su ilə bərabərə qalan (1:1) Ukraynanın "Dinamo" (Kiyev) komandası qrupda qalıb.
İspaniya "Xetafe"si C qrupunda Rusiyanın "Krasnodar" komandasını 3:0 hesabı ilə üstələyib və mərhələ adlayıb. E qrupunda Rumıniya ÇFR-i istəyinə nail olub. F qrupunda isə "Arsenal" (İngiltərə) və "Ayntraxt" (Frankfurt, Almaniya) növbəti mərhələyə vəsiqə qazanıb.
Daha öncə 13 vəsiqə sahibini tapıb. Bunlar APOEL (Kipr), AZ (Hollandiya), "Bazel" (İsveçrə), "Braqa" (Portuqaliya), "Seltik" (Şotlandiya), "Espanyol" (İspaniya), "Gent" (Belçika), LASK (Avstriya), "Mançester Yunayted", "Sevilya" (İspaniya), "Sportinq" (Portuqaliya), "Volfsburq" (Almaniya), "Vulverhempton" (İngiltərə) komandalarıdır.
Digər 5 vəsiqənin sahibi isə son oyunların ardından bəlli olacaq.
Avropa Liqası
Qrup mərhələsi, VI tur
28 noyabr
A qrupu
21:55. "Qarabağ" (Azərbaycan) - "Düdelanj" (Lüksemburq) - 1:1
21:55. APOEL (Kipr) - "Sevilya" (İspaniya) - 1:0
Xal durumu: "Sevilya" - 15, APOEL - 10, "Qarabağ" - 5, "Düdelanj" - 4.
B qrupu
21:55. "Kopenhagen" (Danimarka) - "Malmö" (İsveç) - 0:1
21:55. "Dinamo" (Kiyev, Ukrayna) - "Luqano" (İsveçrə) - 1:1
Xal durumu: "Malmö" - 11, "Kopenhagen" - 9, "Dinamo" - 7, "Luqano" - 3
C qrupu
21:55. "Bazel" (İsveçrə) - "Trabzonspor" (Türkiyə) - 2:0
21:55. "Xetafe" (İspaniya) - "Krasnodar" (Rusiya) - 3:0
Xal durumu: "Bazel" - 13, "Xetafe" - 12, "Krasnodar" - 9, "Trabzonspor" - 1.
D qrupu
21:55. LASK (Avstriya) - "Sportinq" (Portuqaliya) - 3:0
21:55. PSV (Hollandiya) - "Rusenborq" (Norveç) - 1:1
Xal durumu: LASK - 13, "Sportinq" - 12, PSV - 8, "Rusenborq" - 1
E qrupu
21:55. ÇFR (Rumıniya) - "Seltik" (Şotlandiya) - 2:0
21:55. "Renn" (Fransa) - "Latsio" (İtaliya) - 2:0
Xal durumu: "Seltik" - 13, ÇFR - 12, "Latsio" - 6, "Renn" - 4.
F qrupu
21:55. "Standard" (Belçika) - "Arsenal" (İngiltərə) - 2:2
21:55. "Ayntraxt" (Frankfurt, Almaniya) - "Gimaraynş" (Portuqaliya) - 2:3
Xal durumu: "Arsenal" - 11, "Ayntraxt" - 9, "Standard" - 8, "Gimaraynş" - 5.
G qrupu
24:00. "Reyncers" (Şotlandiya) - "Yanq Boyz" (İsveçrə) - 1:1
24:00. "Portu" (Portuqaliya) - "Feyenoord" (Hollandiya) - 3:2
Xal durumu: "Portu" - 10, "Reyncers" - 9, "Yanq Boyz" - 8, "Feyenoord" - 5.
H qrupu
24:00. "Espanyol" (İspaniya) - MOİK (Moskva, Rusiya) - 0:1
24:00. Lüdoqorets" (Bolqarıstan) - "Ferentsvaroş" (Macarıstan) - 1:1
Xal durumu: "Espanyol" - 11, "Lüdoqorets" - 8, "Ferentsvaroş" - 7, MOİK - 5
I qrupu
24:00. "Volfsburq" (Almaniya) - "Sent-Etyen" (Fransa) - 1:0
24:00. "Gent" (Belçika) - "Aleksandriya" (Ukrayna) - 2:1
Xal durumu: "Gent" - 12, "Volfsburq" - 11, "Sent-Etyen" - 4, "Aleksandriya" - 3.
J qrupu
24:00. "Borussiya" (Mönxenqladbax, Almaniya) - "Başakşehir" (Türkiyə) - 1:2
24:00. "Roma" (İtaliya) - "Volfsberq" (Avstriya) - 2:2
Xal durumu: "Başakşehir" - 10, "Roma" - 9, "Borussiya" - 8, "Volfsberq" - 5.
K qrupu
24:00. "Vulverhempton" (İngiltərə) - "Beşiktaş" (Türkiyə) - 4:0
24:00. "Slovan" (Bratislava, Slovakiya) - "Braqa" (Portuqaliya) - 2:4
Xal durumu: "Braqa" - 14, "Vulverhempton" - 13, "Slovan" - 4, "Beşiktaş" - 3.
L qrupu
24:00. "Mançester Yunayted" (İngiltərə) - AZ (Hollandiya) - 4:0
24:00. "Partizan" (Serbiya) - "Astana" (Qazaxıstan) - 4:1
Xal durumu: "Mançester Yunayted" - 13, AZ - 9, "Partizan" - 8, "Astana" - 3.
