Türkiyənin Antalya bölgəsində təlim-məşq toplanışında olan "Qəbələ" komandası bu gün ilk yoxlama oyununu keçirib.
Sportnet.az-ın məlumatına görə, rəqib Macarıstan MTK-sı olub.
"Karvansaray" otelinin meydanında təşkil olunmuş qarşılaşma MTK-nın 3:0 hesablı qələbəsi ilə yekunlaşıb. Rəqib hər 3 qolu ikinci hissədə vurub.
Qeyd edək ki, daha öncə Azərbaycan klublarından "Sabah" Macarıstanın "Pakş" klubuna 0:2, "Zirə" Türkiyə "Ümraniyespor"una 0:3, "Sumqayıt" isə Macarıstan "Kaposvar"ına 3:4 hesabı ilə uduzub.
--------------------
Türkiyənin Antalya bölgəsində təlim-məşq toplanışında olan "Sumqayıt" futbol komandası ilk yoxlama oyununu keçirib.
Sportnet.az-ın məlumatına görə, Ayxan Abbasovun baş məşqçi olduğu kollektiv Macarıstanın "Kaposvar" klubu ilə üz-üzə gəlib.
Qarşılaşma "gənclik şəhəri" təmsilçisinin 3:4 hesablı məğlubiyyəti ilə yekunlaşıb. "Sumqayıt"ın qollarını 14-cü dəqiqədə Mehdi Şərifi, 68-ci dəqiqədə Xəyal Nəcəfov, 76-cı dəqiqədə Amil Yunanov vurub.
Qeyd edək ki, "Sumqayıt" yanvarın 17-də Rumıniyanın "Politexnika İaşi", 21-də Polşanın "Arka", 25-də isə Qazaxıstanın "Şaxtyor" (Karaqanda) kollektivi ilə qarşılaşacaq.
------------------------------------------------------------
Türkiyənin Antalya bölgəsində təlim-məşq toplanışında olan Azərbaycan klublarının yoxlama görüşləri davam edir.
Sportnet.az-ın məlumatına görə, bu gün Premyer Liqanın daha 2 təmsilçisi - "Sumqayıt" və "Qəbələ" klubları yoxlama matçında qüvvələrini sınayacaq.
Macarıstanın "Kaposvar" klubu ilə qarşılaşacaq "Sumqayıt"ın oyunu Bakı vaxtı ilə saat 16:00-da başlayacaq. Bu, Ayxan Abbasovun rəhbərlik etdiyi komandanın qonşu ölkədəki ilk sınağı olacaq.
"Qəbələ" klubu da ilk yoxlama matçında Macarıstan təmsilçisi ilə üz-üzə gələcək. "Qırmızı-qaralar"ın MTK (Budapeşt) klubu ilə görüşü Bakı vaxtı ilə saat 17:00-da başlayacaq.
Qeyd edək ki, daha öncə Azərbaycan klublarından "Sabah" Macarıstanın "Pakş" klubuna 0:2, "Zirə" isə Türkiyə "Ümraniyespor"una 0:3 hesabı ilə uduzub.
Yoxlama görüşü
14 yanvar
16:00. "Sumqayıt" - "Kaposvar" (Macarıstan) - 3:4
"Sumqayıt"ən qolları: Mehdi Şərifi, 14. Xəyal Nəcəfov, 68. Amil Yunanov, 76
"Miracle" otelinin stadionu
17:00. “Qəbələ” – MTK (Macarıstan) - 0:3
"Qəbələ"nin start heyəti: Tərlan Əhmədli, Asif Məmmədov, Sadiq Quliyev, Ehtiram Şahverdiyev, Amin Şeydayev, İvitsa Juniç, Merab Giqauri, Qismət Alıyev, Roman Hüseynov, Rövlan Muradov, Yaovi Akakpo
“Karvansaray” otelinin meydanı
