Uels millisinin futbolçusu Qaret Beyl İspaniya "Real Madrid"ində qol sayında braziliyalı Ronaldonu geridə qoyub.
Sportnet.az-ın məlumatına görə, Beyl buna ötən gün İspaniya Kubokunda Unionistas Salamanka"nı 3:1 hesabı ilə yendikləri 1/8 final matçında fərqlənməklə nail olub. Hazırda onun hesabında 246 oyuna 105 top var. Artıq karyerasını bitirmiş Ronaldo isə 104 qarşılaşmada 177 qola imza atıb.
Qeyd edək ki, Qaret Beyl "Real Madrid"ə 2013-cü ilin sentyabrında İngiltərə "Tottenhem"indən 101 milyon avroya keçib. Bu mövsüm 30 yaşlı forvard La Liqada 12 oyuna 2 qol və 2 məhsuldar ötürmə ilə yadda qalıb. Onun "kral klubu" ilə müqaviləsi 2022-ci ilin yayınadək qüvvədədir.
