Tbilisi şəhərində təlim-məşq toplanışında olan 19 yaşadək qızlardan ibarət Azərbaycan milli komandası növbəti yoldaşlıq oyununu keçirib.
Sportnet.az-ın məlumatına görə, Gürcüstanın eyni yaş qrupundan ibarət komandası ilə qarşılaşan yığma 1:0 hesablı qələbə qazanıb. Qolu isə Nisrina Zeriul vurub.
Qeyd edək ki, bu komandalar arasında iki gün əvvəl keçirilmiş oyunda Gürcüstan yığması 1:0 hesabı ilə qalib gəlmişdi.
