Azərbaycan Premyer Liqasında XVII tura yekun vurulub.
Sportnet.az-ın məlumatına görə, turun son oyununda "Neftçi" evdə "Keşlə"ni qəbul edib. "Bakcell arena"da keçirilən görüş meydan sahiblərinin 3:1 hesablı qələbəsi ilə yekunlaşıb.
Görüşdə hesab 11-ci dəqiqədə açılıb. "Ağ-qaralar"ın heyətində Baqali Dabo adını tabloya yazdırıb. 17-ci dəqiqədə "Neftçi" ikinci topu rəqibin qapısından keçirib. Bu dəfə Mamadu Mbodj fərqlənib. İkinci hissəyə daha fəal başlayan "Keşlə" futbolçuları 53-cü dəqiqədə buraxılan qollardan birinin əvəzini çıxıb. Sezar Meza Kolli penaltidən fərqi minimuma endirib. Ancaq qonaqların qol sevinci cəmi 5 dəqiqə çəkib. 58-ci dəqiqədə Stiven Jozef-Monroz dəqiq zərbə ilə komandasının 3-cü qolunu vurub.
Bu, Füzuli Məmmədovun "Neftçi"nin baş məşqçisi kimi ilk qalibiyyəti, "Keşlə"nin isə qış fasiləsindən sonra ardıcıl ikinci məğlubiyyəti olub. Bu qələbədən sonra xallarını 30-a çatdıran "Neftçi" 2-ci pillədəki mövqeyini möhkəmləndirib. "Keşlə" isə 26 xalla 3-cü sırada qalıb.
Qeyd edək ki, günün ilk oyununda "Səbail" doğma meydanda "Qəbələ"yə qalib gəlib - 3:1. Qeyd edək ki, ilk oyun günündə "Qarabağ" səfərdə "Zirə"ni 6:0, "Sabah" isə "Sumqayıt"ı 2:1 hesabı ilə məğlub edib.
-----------------------------
Azərbaycan Premyer Liqasında XVII turun daha bir oyunu keçirilib.
Sportnet.az-ın məlumatına görə, "ASCO Arena"da "Səbail" və "Qəbələ" komandaları üz-üzə gəlib. Gənc baş hakim Kamal Umudlunun idarə etdiyi görüş meydan sahiblərinin qələbəsi ilə yekunlaşıb - 3:1.
Hesabı 16-cı dəqiqədə "Qəbələ"nin yeni transferi Nikolas Raysel açıb. "Səbail" isə hər 3 qoluna fasilədən sonra imza atıb. 56-cı dəqiqədə Mirsahib Abbasov hesabı bərabərləşdirib. 70-ci dəqiqədə Rauf Əliyev yeni komandasında ilk qolunu vurub. Bundan 5 dəqiqə sonra "qırmızı-qaralar"ın legioneri Fernan Lopes ikinci sarı vərəqə alaraq, meydandan kənarlaşdırılıb. Say üstünlüyü qazanan "dənizçilər" 82-ci dəqiqədə yekun nəticəni müəyyənləşdiriblər. Daha bir yeni transfer Hendrik Ekşteyn ötən tur olduğu kimi, yenə penaltini dəqiq yerinə yetirib.
Bu qələbə sayəsində xallarını 18-ə çatdıran "Səbail" yenə 7-ci pillədə qalsa da, son pillədəki "Qəbələ"dən 5 xal aralanıb.
Qeyd edək ki, turun ilk 2 oyununda "Qarabağ" səfərdə "Zirə"ni 6:0, "Sabah" isə "Sumqayıt"ı 2:1 hesabı ilə yenib. Tura saat 19:00-da başlanacaq "Neftçi" - "Keşlə" matçı ilə yekun vurulacaq.
-----------------------------
Bu gün Azərbaycan Premyer Liqasında XVII turun son 2 oyunu keçiriləcək. Sportnet.az-ın məlumatına görə, görüşlər paytaxtda təşkil olunacaq.
Günün ilk matçında "ASCO Arena"da "Səbail" və "Qəbələ" komandaları üz-üzə gələcək. İki klub 11-ci dəfə qarşılaşacaq. Əvvəlki oyunlardan 2-də "Səbail", 5-də "Qəbələ" qalib gəlibsə, 3-ü heç-heçə ilə yekunlaşıb. Topların nisbətində əyalət komandası yarıbayarı üstündür - 18:9. “Qəbələ” 4 oyundur meydanı qolsuz tərk etmir. “Səbail” son 4 ev matçında uduzmayıb.
Hazırda turnir cədvəlində isə paytaxt komandası 15 xalla 7-ci, "qırmızı-qaralar" 13 xalla 8-ci yerdə gedir. Qış fasiləsindən sonra hər iki görüşündə uduzan "Qəbələ" bu dəfə qalib gəlsə, iki klub yerlərini dəyişəcək. "Səbail" qələbə qazanacağı təqdirdə isə, son pillədən 5 xal aralanacaq.
Günün son matçı isə "Neftçi" və "Keşlə" arasında olacaq. Hazırda 27 xalla 2-ci yerdə gedən flaqman qış fasiləsindən sonra qələbə qazana bilməyib. "Ağ-qaralar" lider "Qarabağ"la xal fərqini yenidən 8-ə endirmək üçün mütləq qələbə qazanmalıdır. 26 xalla 3-cü yerdə gedən "Keşlə" isə qalib gəlsə, yenidən 2-ci pilləyə yüksələcək.
İki komandanın 62-ci çempionat mücadiləsinə çıxacaq. Əvvəlki oyunların 31-də "Neftçi", 15-də "Keşlə" üstün olubsa, daha 15 matçda qalib müəyyənləşməyib. Topların nisbətində də qocaman klub böyük fərqlə öncədir - 91:60. “Neftçi” iki oyundur qalib gəlmir. “Keşlə” isə son üç səfər matçında qol vurmayıb.
Azərbaycan Premyer Liqası, XVII tur
16 fevral (bazar)
16:30. “Səbail” – “Qəbələ” - 3:1
Qol: Baqali Dabo, 11
Qollar: Mirsahib Abbasov, 56. Rauf Əliyev, 70. Hendrik Ekşteyn, 82 (pen.) - Nikolas Raysel, 16
Qırmızı vərəqə: Fernan Lopes, 75 ("Qəbələ")
Hakimlər: Kamal Umudlu, Mübariz Haşımov, Eyyub İbrahimov, Fərid Hacıyev
Hakim-inspektor: Ömər Paşayev
AFFA nümayəndəsi: Şaiq Həmidov
“ASCO Arena”
19:00. “Neftçi” – “Keşlə” - 3:1
Qollar: Baqali Dabo, 11. Mamadu Mboc, 17. Stiven Monroz, 58 - Sezar Meza Milli, 53
Hakimlər: Elçin Məsiyev, Pərvin Talıbov, Qəzənfər Məmmədov, Rauf Allahverdiyev
Hakim-inspektor: Ceyhun Haşımov
AFFA nümayəndəsi: Asif Əliyev
“Bakcell Arena”
Qeyd edək ki, ilk oyun günündə "Qarabağ" səfərdə "Zirə"ni 6:0, Sabah" isə "Sumqayıt"ı 2:1 hesabı ilə yenib.
