"Mahir Şükürovun "Neftçi”dən ayrılacağı ilə bağlı konkret bir söz deyə bilmərəm. Çünki Azərbaycan Kubokunun finalında cəzalı durumda olduğundan, daha sonra milli komandanın təlim-məşq toplanışında iştirak etməsi ilə əlaqədar gələcəyi barədə danışıqlarımız olmayıb. Onun "Neftçi” ilə müqavilə müddəti başa çatıb”. Bunu Sportnet.az-a açıqlamasında "Neftçi”nin vitse-prezidenti Tahir Süleymanov deyib.
Klub rəsmisi flaqmanın bir sıra futbolçularının əcnəbi komandaların maraq dairəsində olmasına dair məsələlərə də aydınlıq gətirib. Onun sözlərinə görə, şifahi aldıqları məlumatlara ciddi yanaşmırlar. Süleymanov rəsmi təklifin yalnız Cavid İmamverdiyevlə bağlı olduğunu bildirib: "Türkiyənin I divizion təmsilçisi "Ankaraspor” komandamızın yarımmüdafiəçisi Cavid İmamverdiyevi sıralarında görmək istədiyini rəsmi şəkildə bildirib. Hazırda danışıqlarımız davam edir və yəqin ki, yaxın günlərdə bu məsələyə tam aydınlıq gələcək”.
Klub rəsmisi flaqmanın bir sıra futbolçularının əcnəbi komandaların maraq dairəsində olmasına dair məsələlərə də aydınlıq gətirib. Onun sözlərinə görə, şifahi aldıqları məlumatlara ciddi yanaşmırlar. Süleymanov rəsmi təklifin yalnız Cavid İmamverdiyevlə bağlı olduğunu bildirib: "Türkiyənin I divizion təmsilçisi "Ankaraspor” komandamızın yarımmüdafiəçisi Cavid İmamverdiyevi sıralarında görmək istədiyini rəsmi şəkildə bildirib. Hazırda danışıqlarımız davam edir və yəqin ki, yaxın günlərdə bu məsələyə tam aydınlıq gələcək”.
Süleymanov "Neftçi”nin transfer planlarından da danışıb. Daha doğrusu, o, ənənəsinə sadiq qalaraq, diplomatik cavaba üstünlük verib: "Növbəti mövsümdən meydanda legioner limiti 6-ya endiriləcək. Hesab edirəm ki, ümumilikdə 10 legioner bizə tam kifayət edir. Nəzərə alsaq ki, hazırda heyətimizdə bir sıra əcnəbi futbolçular yer alıb, deməli, olduqca az sayda legionerə ehtiyac duyuruq”.
Vitse-prezident seçim edərkən prioritet kimi hansı ölkələrə üstünlük verəcəklərini də açıqlayıb: "Avropa ölkələrindən olan futbolçular üçün Azərbaycana adaptasiya olmaq çətindir. Biz bu amilləri nəzərə alaraq, Cənubi Amerika və Afrika ölkələrindən olan legionerlərə üstünlük verəcəyik”.
O ki qaldı alınacaq futbolçuların mövqelərinə, sabiq FİFA referisi hücumçu və dayaq yarımmüdafiəçisinə daha böyük ehtiyac duyduqlarını bildirib.
