İtaliya "Yuventus"unun əməkdaşları könüllü karantinə yollanıb.
Sportnet.az-ın klubun rəsmi saytına istinadən verdiyi məlumata görə, bu qərar futbolçu Daniele Ruqaninin koronavirusa yoluxmasından sonra qəbul olunub. Ümumilikdə 121 əməkdaş arasında klub prezidenti Andrea Anyelli başda olmaqla rəhbərlik, futbolçular, komanda personalı və digər şəxslər yer alıb. Onlar səhiyyə orqanlarının tələblərinə uyğun olaraq, evdə könüllü karantin keçəcəklər.
Qeyd edək ki, COVİD-19 ötən ilin sonlarında Çində peyda olub. Son məlumatlara əsasən, bu xəstəlik 4500-dən çox insanın həyatına son qoyub. İnfeksiyaya yoluxanların sayı isə 66 mindən çoxdur. İtaliyada koronavirusdan 800 nəfər ölüb, 12,5 min yoluxandan 1000 nəfəri sağalıb.
