İspaniyanın "Barselona" klubu Braziliya "San-Paulu"sunun futbolçusu Qustavo Mayanın keçidini həll edib.
Sportnet.az "Sport.es" nəşrinə istinadən xəbər verir ki, kataloniyalılar 19 yaşlı hücumçunun transferi üçün Cənubi Amerika təmsilçisi ilə anlaşıb. "San-Paulu" rəhbərliyi bildirib ki, artıq qarşı tərəfdən 1 milyon avro alınıb. Yerdə qalan 3,5 milyon avronun isə cari mövsümün sonunda hesaba köçürüləcəyi bildirilib. Gənc forvardla 2 illik müqavilə imzalanacağı gözlənilir.
Qeyd edək ki, Qustavo Maya bu mövsüm gənclər arasında San-Paulu kubokunda meydana çıxdığı 7 oyunda 3 qol vurub.
