İslandiyalı model Nadya Sif Lindal Qunnarsdottir əmisi qızı Lara Klauzenlə birgə İngiltərə yığmasının futbolçuları Meyson Qrinvud və Fil Fodenlə tanışlıqlarından danışıb.
Sportnet.az xəbər verir ki, gözəlçə "Daily Mail"ə açıqlamasında Qrinvudla komanda Reykyavikə UEFA Millətlər Liqasının oyunu üçün gəlməmişdən iki gün əvvəl tanış olduğunu bildirib. O, futbolçu tərəfindən oyunun ardından otelə dəvət aldığını söyləyib. 19 yaşlı gözəlçə qapalı otelə necə keçmələrinin oyunçuların işi olduğunu vurğulayıb.
O, dördlükdə vaxtlarını şən keçirdikləri deyərək, futbolçuları ideal centlmenlər kimi dəyərləndirib: "Onlar həqiqətən də karantində olduqlarını bilirdilər. Lakin İslandiya ilə oynayacaqlarından, testdən keçdiklərini və hər şeyin qaydasında olduğunu güman etdik".
Model otel otağından foto da çəkib.
Qeyd edək ki, "Mançester Siti"nin yarımmüdafiəçisi Fil Fodenin uzun müddətdir münasibətdə olduğu sevgilisindən bir yaşlı oğlu var. "Mançester Yunayted"in hücumçusu Meyson Qrinvud isə hələ mayda model sevgilisindən ayrılıb. Hər iki oyunçu İngiltərə yığmasında sentyabrın 5-də İslandiya ilə qarşılaşmada debüt edib. Lakin otelə qadınlar dəvət etdikləri üçün onlar millidən qovulublar.
