UEFA Avropa Liqasının qrup mərhələsində III tura start verilib. Sportnet.az-ın məlumatına görə, ilk oyun günündə 1 görüş keçirilib.
Günün yeganə matçı G qrupunda Şotlandiya "Seltik"i ilə Macarıstan "Ferentsvaroş"u arasında olub. Qlazqo şəhərindəki "Seltik Park" stadionunda oynanılan qarşılaşma meydan sahiblərinin 2:0 hesablı qələbəsi ilə başa çatıb.
Oyunda hər 2 qol ikinci hissədə vurulub. 57-ci dəqiqədə Kyoqo Furuhasi, 81-ci dəqiqədə isə Devid Ternbull fərqlənib.
Qrup mərhələsində ilk qələbəsini və xallarını qazanan "Seltik" 3-cü pilləyə yüksəlib. Xalı olmayan "Ferentsvaroş" sonuncu sırada yer alıb. Qrupa hərəyə 6 xalla Almaniya "Bayer"i və İspaniya "Betis"i başçılıq edir. Yeri gəlmişkən, bu komandalar arasında görüş oktyabrın 21-də İspaniyada keçiriləcək.
---------------------------------------
Bu gün UEFA Avropa Liqasının qrup mərhələsində III tura start veriləcək.
Sportnet.az-ın məlumatına görə, ilk oyun günündə 1 qarşılaşma baş tutacaq.
Günün yeganə görüşü G qrupunda oynanılacaq. Şotlandiya "Seltik"i evdə Macarıstanın "Ferentsvaroş" klubunu sınağa çəkəcək.
Qlazqo şəhərindəki "Seltik Park" stadionunda keçiriləcək matç Bakı vaxtı ilə saat 18:30-da başlayacaq. Oyunu danimarkalı FIFA referisi Yakob Kehlet idarə edəcək.
İlk 2 turdan sonra xalı olmayan komandalar 3 - 4-cü yerləri bölüşdürür.
UEFA Avropa Liqası, qrup mərhələsi
III tur
19 oktyabr
18:30. "Seltik" (Şotlandiya) - "Ferentsvaroş" (Macarıstan) - 2:0
Qol: Kyoqo Furuhasi, 57, Devid Ternbull, 81
Xal durumu: "Bayer" - 6, "Betis" - 6, "Seltik" - 3 (3 oyuna), "Ferentsvaroş" - 0 (3)
Qeyd edək ki, bu qrupun digər matçında Almaniya "Bayer"i İspaniyada "Betis"in qonağı olacaq. Görüş oktyabrın 21-də gerçəkləşəcək.
