UEFA Çempionlar Liqasının qrup mərhələsində sonuncu - VI turun daha 6 oyunu keçirilib.
Sportnet.az-ın məlumatına görə, B qrupunda 1/8 finala yüksəlməsi dəqiqləşən İngiltərə "Liverpul"u İtaliyada "Milan" üzərində əzmkar qələbə qazanıb. Qrupun digər oyununda Portuqaliya "Portu"su evdə İspaniyanın "Atletiko" (Madrid) klubuna uduzub. Bu nəticələrdən sonra Madrid klubu növbəti mərhələyə, Porto şəhərinin eyniadlı təmsilçisi Avropa Liqasının pley-offuna vəsiqə qazanıb. "Milan" isə avrokuboklarla vidalaşıb.
C qrupunda Türkiyə "Beşiktaş"ı Almaniyada Dortmund "Borussiya"sına böyük hesabla uduzub. Digər görüşdə isə qrup qalibi olan Niderland "Ayaks"ı Portuqaliya "Sportinq"ini üstələyib.
D qrupunda İspaniya "Real Madrid"i doğma meydanda İtaliya "İnter"i ilə 1-ci yer uğrunda mübarizə aparıb. Rəqibini məğlub edən "kral klubu" 1/8 finala qrup lideri kimi adlayıb. Qrupun digər oyununda Avropa Liqasının pley-offunda iştirakı rəsmiləşən Moldova "Şerif"i Ukraynada Donetsk "Şaxtyor"u ilə heç-heçə edib.
-----------------------------------------
UEFA Çempionar Liqasının qrup mərhələsində sonuncu - VI tura start verilib.
Sportnet.az-ın məlumatına görə, ilk oyun gününə nəzərdə tutulan 8 qarşılaşmadan ikisi artıq başa çatıb.
A qrupunda PSJ Fransada Belçika "Brügge"sini darmadağın edib - 4:1. Meydan sahiblərinin heyətində Kilian Mbappe və Lionel Messi dubl müəllifi olublar. Digər görüşdə isə İngiltərənin "Mançester Siti" klubu Almaniyada "Leyptsiq"in qonağı olub. Oyun Bundesliqa təmsilçisinin 2:1 hesablı qələbəsi ilə başa çatıb.
Bununla da A qrupunda mübarizəyə yekun vurulub. "Mançester Siti" qrupda ilk, PSJ isə 2-ci pilləni daha əvvəl təmin etdiyindən 1/8 finala adlayıblar. "Leyptsiq" isə 3-cü yeri tutaraq, Avropa Liqasının pley-offunda oynamaq hüququ əldə edib.
------------------------------------------------
Bu gün UEFA Çempionar Liqasının qrup mərhələsində sonuncu - VI tura start veriləcək.
Sportnet.az-ın məlumatına görə, ilk oyun günündə A, B, C və D qruplarında ümumilikdə 8 görüş keçiriləcək.
A qrupunda PSJ Fransada Belçika "Brügge"sini qəbul edəcək. İngiltərənin "Mançester Siti" klubu isə Almaniyada "Leyptsiq"in qonağı olacaq. Bu qrupda ilk 2 pillənin sahibi bəlli olduğundan əsas mübarizə 3-cü yer uğrunda gedəcək. Bundesliqa təmsilçisi qalib gələcəyi halda digər matçın nəticəsindən asılı olmayaraq, Avropa Liqasının pley-offuna vəsiqə əldə edəcək.
B qrupunda 1/8 finala yüksəlməsi dəqiqləşən İngiltərə "Liverpul"u İtaliyada "Milan"la qarşılaşacaq. Qrupun digər oyununda Portuqaliya "Portu"su evdə İspaniyanın "Atletiko" (Madrid) klubunu sınağa çəkəcək. Hazırda 2-ci sırada yer alan portuqaliyalılar Madrid təmsilçisini məğlub etsə, qrupdan çıxan 2-ci komanda olacaq.
C qrupunda Türkiyə "Beşiktaş"ı Almaniyada Dortmund "Borussiya"sı ilə qarşılaşacaq. Qonaqlar avrokuboklarda mübarizə dayandırdığından, meydan sahibləri isə Avropa Liqasının pley-offunu təmin etdiklərindən qarşılaşma forma xarakter daşıyacaq. Digər görüşdə isə qrup qalibi olan Niderland "Ayaks"ı Portuqaliya "Sportinq"i ilə münasibətlərinə aydınlıq gətirəcək.
D qrupunda İspaniya "Real Madrid"i doğma meydanda İtaliya "İnter"i ilə 1-ci yer uğrunda mübarizə aparacaq. Hər iki komanda növbəti mərhələyə vəsiqə qazanıb. Qrupun digər oyununda isə Avropa Liqasının pley-offunda iştirakı rəsmiləşən Moldova "Şerif"i qrup sonuncusu olması dəqiqləşən Ukraynanın "Şaxtyor" (Donetsk) klubunu qəbul edəcək.
UEFA Çempionlar Liqası
Qrup mərhələsi, VI tur
A qrupu
21:45. PSJ (Fransa) - "Brügge" (Belçika) - 4:1
Qollar: Kilian Mbappe, 2; 7. Lionel Messi, 38; 76 (pen.) - Mats Rits, 68
21:45. "Leyptsiq" (Almaniya) - "Mançester Siti" (İngiltərə) - 2:1
Qollar: Dominik Soboslai, 24. Andre Silva, 71 - Riyad Mahrez, 71
Qırmızı vərəqə: Kayl Uoker, 83 ("Mançester Siti")
Xal durumu: "Mançester Siti" - 12, PSJ - 11, "Leyptsiq" - 7, "Brügge" - 4.
B qrupu
00:00. "Milan" (İtaliya) - "Liverpul" (İngiltərə) - 1:2
Qollar: Fikayo Tomori, 29 - Məhəmməd Salah, 36. Divok Origi, 55
00:00. "Portu" (Portuqaliya) - "Atletiko" (Madrid, İspaniya) - 1:3
Qollar: Serjiu Oliveyra, 90+6 (pen.) - Antuan Qrizmann, 56. Anxel Korrea, 90. Rodriqo De Paul, 90+2
Qırmızı vərəqə: Yannik Karrasko, 67 ("Atletiko"), Vendell Borjes, 70. Aqustin Marçesin, 75 (hər ikisi "Portu")
Xal durumu: "Liverpul" - 18, "Atletiko" - 7, "Portu" - 5, "Milan" - 4.
C qrupu
00:00. "Borussiya" (Dortmund, Almaniya) - "Beşiktaş" (Türkiyə) - 5:0
Qollar: Doniyell Malen, 29. Marko Roys, 45+2 (pen.); 53. Erlinq Holann, 68; 81
Qırmızı vərəqə: Velinton, 43 ("Beşiktaş")
00:00. "Ayaks" (Niderland) - "Sportinq" (Portuqaliya) - 4:2
Qollar: Sebastyen Allye, 8 (pen.). Antoni, 42. David Neres, 58. Stiven Bergeys, 62 - Nunu Santuş, 22. Bruno Tabata, 78
Xal durumu: "Ayaks" - 18, "Sportinq" - 9, "Borussiya" - 9, "Beşiktaş" - 0.
D qrupu
00:00. "Real Madrid" (İspaniya) - "İnter" (İtaliya) - 2:0
Qollar: Toni Kroos, 17. Marko Asensio, 79
Qırmızı vərəqə: Nikola Barella, 64 ("İnter")
00:00. "Şaxtyor" (Donetsk, Ukrayna) - "Şerif" (Moldova) - 1:1
Qollar: Fernando, 42 - Boban Nikolov, 90+3
Xal durumu: "Real Madrid" - 15, "İnter" - 10, "Şerif" - 7, "Şaxtyor" - 2.
Qeyd edək ki, indiyədək "Mançester Siti", PSJ, "Liverpul", "Ayaks", "Sportinq", "Real Madrid" və "İnter"lə yanaşı, Almaniyanın "Bavariya", İtaliyanın "Yuventus", İngiltərənin "Mançester Yunayted" və "Çelsi" klubları da 1/8 finala adlayıb.
