"Neftçi” hər oyuna qələbə üçün çıxır. "Sumqayıt”la matçda da bizi yalnız 3 xal qane edir". Sportnet.az-ın məlumatına görə, bunu "Neftçi"nin futbolçusu kaue da Silva deyib.
Klubun rəsmi saytına açıqlama verən futbolçu maraqlı və gərgin oyun olacağını bildirib: "Rəqib komanda son 5 turda məğlub olmayıb. Müdafiədə və əks hücumlarda inamlı təsir bağışlayırlar. Qətiyyən arxayınlaşmaq olmaz. Qələbə qazanmaq üçün qol vurmalı və müdafiədə diqqətli olmalıyıq. Çempionluq uğrunda mübarizədə "Qarabağ” böyük üstünlük qazanıb. Amma bu o demək deyil ki, biz ruhdan düşməliyik. Aradakı xal fərqini azaltmağa çalışmalıyıq. Əvvəldən proqnoz vermək yanlış olar. Biz son ana qədər yalnız yüksək yerlər üçün oynayacağıq"
Qeyd edək ki, "Sumqayıt" - "Neftçi" qaşrılaşması sabah saat 16:00-da başlayacaq.
