Niderlandda keçirilən futzal üzrə Avropa çempionatında ilk tura yekun vurulub.
Sportnet.az-ın məlumatına görə, D qrupunun növbəti oyununda İspaniya Bosniya və Herseqovinanı məğlubiyyətə uğradıb - 5:1. Qalib yığmadan topları Raul Qomes (2`39), Raul Kampos (8`14), Serxio Losano (17`10) və Ortis (20`56; 36`14) vurub. Debütant komandanın yeganə qoluna isə Yosip Boşkoviç (11`30) imza atıb.
Qrupun ilk matçında Azərbaycan millisi Gürcüstana uduzub - 2:3.
Bu nəticələrdən sonra İspaniya və Gürcüstan qrupda hərəyə 3 xalla ilk 2 pilləni bölüşür. Azərbaycan yığması ilə Bosniya və Herseqovina isə xalsızdır.
Yanvarın 26-da Bosniya və Herseqovina ilə Gürcüstan, Azərbaycanla İspaniya üz-üzə gələcək.
