"Azərkeşlər üçün hardasa maraqlı oyun alındı. Çox qollar gördük". Sportnet.az-ın məlumatına görə, bu sözləri "Qarabağ"ın baş məşqçisi Qurban Qurbanov deyib.
"Bakı" ilə oyundan sonra baş məşqçi bunları deyib: "Komandamı təbrik edirəm. Qarşıda hələ ikinci oyunumuz da var. Qrafik çox sıxdı. Oyunçularda istər istəməz yorğunluq hiss olunur. Biz çalışırıq hazırlığımızı yüksək səviyyədə saxlayaq. İbrahim Uzunca ilə oyundan sonra söhbət etdik. Bu vəziyyətdə oynamaq, çalışmaq çox çətindi. Amma buna baxmayaraq həm məşqçi, həm gənc oyunçuları ürəylə işləyirlər. "Bakı"ya uğurlar arzulayıram".
Qeyd edək ki, qarşılaşma "Qarabağ"ın 3:0 hesablı qələbəsi ilə başa çatıb.
