Futbol üzrə Azərbaycan Premyer Liqasında XVI turun daha bir oyunu keçirilib.
Sportnet.az-ın məlumatına görə, günün ikinci matçında son çempion "Neftçi" "Keşlə"ni qəbul edib.
"Bakcell Arena"dakı qarşılaşma "ağ-qaralar"ın 3:1 hesablı qələbəsi ilə yekunlaşıb. Meydan sahiblərinin ilk qolunu 21-ci dəqiqədə Sezar Meza Kolli vurub. Bundan 4 dəqiqə sonra Voyislav Stankoviç fərqi iki topa çatdırıb. Ramin Nəsirli isə 44-cü dəqiqədə qonaqları növbəti dəfə cəzalandırıb.
"Keşlə"nin heyətində Felipe Santos 90+3-cü dəqiqədə fərqi azalda bilib.
"Neftçi" qələbə sayəsində xallarının sayını 25-ə çatdırıb və "Zirə" ilə birlikdə 3-4-cü yerləri bölüşdürür. "Keşlə" 14 xalla 6-cı sırada qalıb.
Qeyd edək ki, günün ilk matçında "Qəbələ" "Səbail"i 2:0 hesabı ilə üstələyib. XVI turun "Zirə" - "Sabah" matçı fevralın 20-də olacaq. Turun “Qarabağ” – “Sumqayıt” oyunu mayın 12-nə təxirə salınıb.
-----------------------------------------
Futbol üzrə Azərbaycan Premyer Liqasında XVI tura start verilib.
Sportnet.az xəbər verir ki, günün ilk oyunu Qəbələdə baş tutub.
Şəhərin eyniadlı komandası "Səbail"i qəbul edib. Qarşılaşma əyalət təmsilçisinin 2:0 hesablı qələbəsi ilə yekunlaşıb. "Qırmızı-qaralar"ın ilk qolunu 78-ci dəqiqədə Ülvi İsgəndərov vurub.
Bundan iki dəqiqə sonra "Qəbələ"nin kapitanı Asif Məmmədov zədələndiyi üçün əvəzlənib. Onun yerinə meydana Emil Səfərov daxil olub.
90+7-ci dəqiqədə İsnik Alimi qarşılaşmada son nöqtəni qoyub. Bu nəticədən sonra xallarının sayını 29-a çatdıran "Qəbələ" ikinci pillədə qərarlaşıb. "Səbail" isə 11 xalla sonuncu - 8-ci sırada qalıb.
Qeyd edək ki, günün digər görüşündə "Neftçi" "Keşlə"ni qəbul edəcək. XVI turun "Zirə" - "Sabah" matçı fevralın 20-də olacaq. Turun “Qarabağ” – “Sumqayıt” oyunu mayın 12-nə təxirə salınıb.
-------------------------------------------------
Bu gün Azərbaycan Premyer Liqasında XVI tura start veriləcək.
Sportnet.az-ın məlumatına görə, ilk oyun günündə iki qarşılaşma keçiriləcək.
Günün ilk matçı Qəbələdə olacaq. Şəhərin eyni adlı komandası "Səbail"i qəbul edəcək. Hazırda əyalət komandası 26 xalla 3-cü, paytaxt klubu 11 xalla sonuncu - 8-ci pillədə qərarlaşıb.
Komandalar indiyədək Premyer Liqada 17 dəfə üz-üzə gəliblər. Bunların 8-də əyalət təmsilçisi, 4 də "dənizçilər" qələbə qazanıb, 5 görüşdə heç-heçə qeydə alınıb. Topların nisbətində də "qırmızı-qaralar" üstündür - 31:16.
Digər matçda son çempion "Neftçi" "Keşlə" ilə üz-üzə gələcək. 15 turdan sonra "ağ-qaralar" 22 xalla 4-cü, qonaqlar 14 xalla 6-cı sıradadır. Paytaxt klubları ölkə çempionatlarında 68 dəfə qarşılaşıblar. 37 dəfə "Neftçi", 16 dəfə isə "Keşlə" meydanı 3 xalla tərk edib. Topların nisbətində də meydan sahiblərinin aşkar üstünlüyü var - 108:66.
Azərbaycan Premyer Liqası
XVI tur
19 fevral
15:00. “Qəbələ” – “Səbail” - 2:0
Qollar: Ülvi İsgəndərov, 78. İsnik Alimi, 90+7
Hakimlər: Rauf Cabarov, Cavanşir Yusifov, Müslüm Əliyev, İnqilab Məmmədov
Hakim-inspektor: Əmrah İbrahimov
AFFA nümayəndəsi: Rüfət Əmirov
Qəbələ şəhər stadionu
17:15. “Neftçi” – “Keşlə” - 3:1
Qollar: Sezar Meza Kolli, 21. Voyislav Stankoviç, 26. Ramin Nəsirli, 44 - Felipe Santos, 90+3
Hakimlər: Fərid Hacıyev, Kamran Bayramov, Eyyub İbrahimov, Rauf Allahverdiyev
Hakim-inspektor: Babək Quliyev
AFFA nümayəndəsi: Ramiz Mustafayev
“Bakcell Arena”
Qeyd edək ki, XVI turun "Zirə" - "Sabah" matçı fevralın 20-də olacaq. Turun “Qarabağ” – “Sumqayıt” görüşü mayın 12-nə təxirə salınıb.
