Topaz Premyer Liqasının XXV turunda "Neftçi” doğma azarkeşlər önündə "İnter”ə 0:2 hesabı ilə məğlub olub. Sportnet.az-ın məlumatına görə, "ağ-qaralar"ın baş məşqçisi Arif Əsədov oyundan sonra bunları deyib:
"Belə oyuna şərh vermək çətindir. Tam üstünlüyümüzlə keçən oyunda məğlub olduq. Gözlənilməz bir şəraitdə qol buraxdıq. "İnter”in iki hücumu oldu və onlar bundan maksimum yararlandılar. Biz isə şanslarımızdan istifadə edə bilmədik. Bütün bunlara baxmayaraq, həyat davam edir”.
Qeyd edək ki, "İnter" qələbə sayəsində turnir cədvəlinin ikinci pilləsindəki mövqeyini gücləndirib.
