UEFA Konfrans Liqasında 1/4 final mərhələsinin ilk oyunlarına yekun vurulub.
Sportnet.az-ın məlumatına görə, günün ilk matçında olduğu kimi, son 3 qarşılaşmada da meydan sahibləri uduzmayıblar.
Pley-off mərhələsində "Qarabağ"ı mübarizədən kənarlaşdıran Fransa "Marsel"i evdə Yunanıstan PAOK-una 2:1 hesabı ilə qalib gəlib. Meydan sahiblərinin heyətində qolları Jerson Santos və Dmitri Payet vurublar. Qonaqlardan isə Ömər Əl-Kədduri fərqlənib.
Turnirin favoritlərindən İtaliya "Roma"sı Norveçdə "Budyo Qlimt"ə uduzub - 1:2. İngiltərədə "Lester" və Niderland PSV-si arasında baş tutan görüşdə isə qolsuz heç-heçə qeydə alınıb.
------------------------------------
UEFA Konfrans Liqasında 1/4 final mərhələsi start götürüb.
Sportnet.az-ın məlumatına görə, gecənin ilk matçında Çexiyanın "Slaviya" (Praqa) klubu Niderlandda "Feyenoord"la üz-üzə gəlib. Görüş 3:3 hesablı heç-heçə ilə yekunlaşıb.
Oyunda ilk qolu 10-cu dəqiqədə qonaqların futbolçusu Luis Sinisterra vurub. Rotterdam təmsilçisi 41-ci dəqiqədə Peter Olayinkanın qolu ilə hesabı bərabərləşdirib. 67-ci dəqiqədə İra Sor Praqa klubunu önə çıxarıb. 74-cü dəqiqədə "Feyenoord"un oyunçusu Markos Senesi tarazlığı bərpa edib. 86-cı dəqiqədə Türkiyə millisinin yarımmüdafiəçisi Orkun Kökçü yenidən "Feyenoord"u önə keçirib. Görüşdə son nöqtəni isə əsas vaxta əlavə olunmuş 5-ci dəqiqədə İbrahim Traore qoyub.
Komandalar arasında cavab matçı aprelin 14-də olacaq.
------------------------------------
Bu gün UEFA Konfrans Liqasında 1/4 final mərhələsinin ilk oyunları keçiriləcək.
Sportnet.az-ın məlumatına görə, dörd qarşılaşmadan biri Bakı vaxtı ilə saat 20:45-də, digər 3-ü isə saat 23:00-da start götürəcək.
Bu raundun açılış matçında Çexiyanın "Slaviya" (Praqa) klubu Niderlandda "Feyenoord"la üz-üzə gələcək. Niderlandın digər təmsilçisi PSV isə İngiltərədə "Lester"in qonağı olacaq.
Turnirin pley-off mərhələsində "Qarabağ"ı mübarizədən kənarlaşdıran Fransa "Marsel"i Yunanıstan PAOK-unu qəbul edəcək. İtaliya "Roma"sı isə Norveçdə "Budyo Qlimt"lə münasibətlərinə aydınlıq gətirəcək.
UEFA Konfrans Liqası, 1/4 final
İlk oyunlar
7 aprel
20:45. "Feyenoord" (Niderland) - "Slaviya" Praqa (Çexiya) - 3:3
Qollar: Luis Sinisterra, 10. Markos Senesi, 74, Orkun Kökçü, 86 - Peter Olayinka, 41. İra Sor, 67, İbrahim Traore, 90+5
23:00. "Marsel" (Fransa) - PAOK (Yunanıstan) - 2:1
Qollar: Jerson Santos, 13. Dmitri Payet, 45 - Ömər Əl-Kədduri, 48
Qırmızı vərəqə: Jerson Santos, 90+4 ("Marsel")
23:00. "Lester" (İngiltərə) - PSV (Niderland) - 0:0
23:00. "Budyo Qlimt" (Norveç) - "Roma" (İtaliya) - 2:1
Qollar: Ulrik Saltnes, 56/ Uqo Vetlesen, 89 - Lorentso Pelleqrini, 43
Qeyd edək ki, komandalar arasında cavab qarşılaşmaları aprelin 14-də olacaq.
