Bakının "İnter" klubunun baş məşqçisi Kaxaber Tsxadadze klub prezidenti Georgi Nikolovu görüşə çağırıb. Bu barədə Sportnet.az-a Nikolovun özü məlumat verib.
Onun sözlərinə görə, görüşdə gələcək planlar haqda danışılacaq. Nikolov bildirib ki, Tsxadadzenin görüşmək istəyi ötən gün baş verənlərlə bağlıdır: "Baş məşqçimizin meydanı vaxtından əvvəl tərk etməsi onun emosiolarından irəli gəlib. Mən özüm də həyəcanlıydım. son dəqiqədə qol buraxmışdıq. İnanmıram ki, mənimlə görüşmək istəyi istefa ilə bağlı olsun. Aramızda razılıq var ki, o, mövsümün sonunadək həm "İnter"i, həm də Gürcüstan yığmasına rəhbərlik edəcək".
Klub rəhbəri fəxri prezident Cahangir Hacıyevin istefa məsələsinə toxunub: "Mənim üçün də gözlənilməz oldu. Çünki o istefadan öncə heç mənə heç nə deməmişdi. Bu istefanın klubumuzun gələcək taleyinə necə təsir edəcəyini indidən deyə bilmərəm. Situasiyaya aydınlıq gəməsini gözləyək. Sonra bu barədə danışmaq olar".
Qeyd edək ki, Kaxaber Tsxadadze Topaz Premyer Liqasında yaranan fasilədən istifadə edərək Gürcüstana yollanacaq.
