UEFA Avropa Liqasında 2022/2023 mövsümünə start verilib.
Sportnet.az-ın məlumatına görə, turnir III təsnifat mərhələsininin ilk oyunları ilə başlayıb. Bu raundda 14 komandanın iştirakı ilə 7 görüş baş tutub.
Gecənin maraqla gözlənilən matçlarından biri Türkiyədə gerçəkləşib. "Fənərbağça" İstanbulda Çexiyanın "Slovaçko" komandasını darmadağın edib - 3:0.
Çempionlar Liqasının (ÇL) III təsnifat mərhələsində mübarizə aparan Azərbaycan təmsilçisi "Qarabağ"ın Avropa Liqasının pley-offundakı potensial rəqibləri olan İrlandiyanın "Şemrok Rovers" və Şimali Makedoniyanın "Şkupi" klubları Dublində üz-üzə gəliblər. Qarşılaşma meydan sahiblərinin 3:1 hesablı qələbəsi ilə başa çatıb. "Köhlən atlar" ÇL-də Macarıstan "Ferentsvaroş"unu keçə bilməsə, bu cütün qalibi ilə qarşılaşacaq. Ağdam təmsilçisi Bakıdakı ilk matçda Budapeşt klubu ilə heç-heçəyə razılaşıb - 1:1.
-------------------------------------------
Bu gün UEFA Avropa Liqasında 2022/2023 mövsümünə start veriləcək.
Sportnet.az-ın məlumatına görə, turnir III təsnifat mərhələsininin ilk oyunları ilə başlayacaq. Bu raundda 14 komandanın iştirakı ilə 7 görüş baş tutacaq.
Gecənin maraqla gözlənilən matçlarından biri Türkiyədə baş tutacaq. "Fənərbağça" evdə Çexiyanın "Slovaçko" komandasını sınağa çəkəcək. Oyu Bakı vaxtı ilə saat 21:00-da başlayacaq.
"Qarabağ" - "Ferentsvaroş" (Macarıstan) cütünün məğlubunun Avropa Liqasındakı potensial rəqibləri olan İrlandiyanın "Şemrok Rovers" və Şimali Makedoniyanın "Şkupi" klubları Dublində üz-üzə gələcəklər. Qarşılaşma Bakı vaxtı ilə saat 23:00-da başlayacaq.
UEFA Avropa Liqası
III təsnifat mərhələsi, ilk oyunlar
4 avqust
20:00. AEK (Larnaka, Kipr) - "Partizan" (Serbiya) - 2:1
Qollar: Anhel Qarsiya, 34. Xrvoe Miliçeviç, 70 - Kvensi Meniq, 18
21:00. "Malmö" (İsveç) - "Düdelanj" (Lüksemburq) - 3:0
Qollar: İsaak Telin, 51. Ula Toyvonen, 81. Belko Birmançeviç, 85
Qırmızı vərəqə: Şarl Morren, 31 ("Düdelanj")
21:00. "Fənərbağça" (Türkiyə) - "Slovaçko" (Çexiya) - 3:0
Qollar: Emre Mor, 17. Linkoln Enrike, 45+2; 81
Qırmızı vərəqə: Stanislav Hofman, 48 ("Slovaçko")
22:15. "Maribor" (Sloveniya) - HİK (Helsinki, Finlandiya) - 0:2
Qollar: Devid Braun, 47. Boyan Raduloviç, 64
22:45. "Linfild" (Şimali İrlandiya) - "Sürix" (İsveçrə) - 0:2
Qollar: Tosin Ayequn, 8. Vilfred Qnonto, 64
23:00. "Şemrok Rovers" (İrlandiya) - "Şkupi" (Şimali Makedoniya) - 3:1
Qollar: Qrehem Burk, 13 (penalti). Dilan Uotts, 29. Qari Onill, 90+7 - Keven, 77
Qırmızı vərəqə: Valid Həmidi, 84 ("Şkupi")
23:00. "Olimpiakos" (Yunanıstan) - "Slovan" (Bratislava, Slovakiya) - 1:1
Qol: Andre Qrin, 63
Qeyd edək ki, bu mərhələnin cavab görüşləri avqustun 11-də keçiriləcək.
