Futbol üzrə Azərbaycan Premyer Liqasında II turun daha bir oyunu keçirilib.
Sportnet.az-ın məlumatına görə, günün ikinci matçında "Səbail" "Turan Tovuz"u qəbul edib.
"ASCO Arena"dakı qarşılaşma Tovuz təmsilçisinin 1:0 hesablı qələbəsi ilə bitib. Bölgə klubunun qolunu 47-ci dəqiqədə Natan Oduva vurub.
Beləliklə, çempionatda ilk qələbəsini qazanan "Turan Tovuz" xallarının sayını 3-ə çatdırıb. "Dənizçilər" iki oyundan sonra xalsız qalıb.
Qeyd edək ki, günün ilk matçında "Qarabağ" "Sumqayıt"ı məğlub edib - 2:0. Turun açılış görüşündə "Sabah" səfərdə "Zirə"yə 3:1 hesabı ilə qalib gəlib. Tura avqustun 14-də keçiriləcək "Qəbələ" - "Şamaxı" və "Neftçi" - "Kəpəz" matçları ilə yekun vurulacaq.
-----------------------------------
Futbol üzrə Azərbaycan Premyer Liqasında II turun daha bir oyunu keçirilib.
Sportnet.az xəbər verir ki, günün ilk matçında ölkə çempionu "Qarabağ" "Sumqayıt"ın qonağı olub.
"Kapital Bank Arena"dakı qarşılaşma "köhlən atlar"ın qələbəsi ilə yekunlaşıb - 2:0. Komandanın qollarını 90+4-cü dəqiqədə Musa Qurbanlı və 90+8-ci dəqiqədə Filip Ozobiç vurub.
Ağdam klubu xallarının sayını 6-ya çatdırıbsa, "gənclik şəhəri" təmsilçisi iki oyundan sonra xalsız qalıb.
Qeyd edək ki, günün digər oyununda "Səbail" "Turan Tovuz"u qəbul edəcək. Turun açılış görüşündə "Sabah" səfərdə "Zirə"yə 3:1 hesabı ilə qalib gəlib. Tura avqustun 14-də keçiriləcək "Qəbələ" - "Şamaxı" və "Neftçi" - "Kəpəz" matçları ilə yekun vurulacaq.
------------------------------
Bu gün futbol üzrə Azərbaycan Premyer Liqasında II turun daha 2 oyunu keçiriləcək.
Sportnet.az-ın məlumatına görə, günün ilk matçında "Sumqayıt" "Qarabağ"ı qəbul edəcək. Hazırda "köhlən atlar" 3 xalla 2-ci pillədə qərarlaşıb. Xalı olmayan "gənclik şəhəri" təmsilçisi isə sonuncudur.
Komandalar indiyədək ölkə çempionatında 39 dəfə üz-üzə gəliblər. Bunların 29-da Ağdam klubu, 5-də isə Aleksey Baqanın baş məşqçi olduğu komanda qələbə qazanıb. 5 görüşdə qalib müəyyənləşməyib. Topların nisbətində də son çempionun aşkar üstünlüyü var - 91:18.
“Qarabağ” son 5 oyunda rəqibini məğlub edib. “Sumqayıt” son 4 matçda qol vura bilməyib.
Günün digər qarşılaşması "ASCO Arena"da "Səbail" və "Turan Tovuz" komandaları arasında baş tutacaq. İlk turdan sonra hər iki kollektiv xalsızdır.
Paytaxt və bölgə təmsilçiləri indiyədək Premyer Liqada qarşılaşmayıblar.
Azərbaycan Premyer Liqası
II tur
13 avqust (şənbə)
18:20. "Sumqayıt" - "Qarabağ" - 0:2
Qollar: Musa Qurbanlı, 90+4. Filip Ozobiç, 90+8
Hakimlər: Tural Qurbanov, Vüsal Məmmədov, Müslüm Əliyev, Rəvan Həmzəzadə
Hakim-inspektor: Munis Abdullayev
“Kapital Bank Arena”
20:30. "Səbail" - "Turan Tovuz" - 0:1
Qol: Natan Oduva, 47
Hakimlər: Rauf Allahverdiyev, Cavanşir Yusifov, Cəmil Quliyev, Kamal Umudlu
Hakim-inspektor: Ceyhun Haşımov
“ASCO Arena”.
Qeyd edək ki, turun açılış oyununda "Sabah" səfərdə "Zirə"yə 3:1 hesabı ilə qalib gəlib. Tura avqustun 14-də keçiriləcək "Qəbələ" - "Şamaxı" və "Neftçi" - "Kəpəz" matçları ilə yekun vurulacaq.
