Misli Premyer Liqasında XX turun daha bir oyunu keçirilib.
Sportnet.az-ın məlumatına görə, "Kəpəz" "ASCO Arena"da "Səbail"in qonağı olub.
Görüş meydan sahiblərinin minimal hesablı qələbəsi ilə başa çatıb. Yeganə qolu 77-ci dəqiqədə Franko Mazurek vurub.
Bu qalibiyyətdən sonra xallarını 13-ə çatdıran "dənizçilər" sonuncu pillədən xilas olaraq 9-cu yerə yüksəlib. Əvəzində isə eyni xala malik "sarı-göylər" 10-c yerə düşüblər.
Qeyd edək ki, turun əvvəlki oyunlarında "Sumqayıt" evdə "Turan Tovuz"a 2:1, "Qarabağ" isə "Şamaxı"ya 3:1 hesabı ilə qalib gəlib. Tura fevralın 1-də keçiriləcək Qəbələ" - "Sabah" və "Neftçi" - "Zirə" görüşləri ilə yekun vurulacaq.
------------------------------
Misli Premyer Liqasında XX turun daha bir oyunu keçirilib.
Sportnet.az-ın məlumatına görə, "Qarabağ" "Azersun Arena"da "Şamaxı"nı qəbul edib. Görüş meydan sahiblərinin qələbəsi ilə başa çatıb.
Hesabı 22-ci dəqiqədə "köhlən atlar"dan Musa Qurbanlı açıb. 46-cı dəqiqədə Qara Qarayev uzaq məsafədən qüvvətli zərbə ilə fərqi 2 topa çatdırıb. 63-cü dəqiqədə Leandro Andrade qonaqları 3-cü dəfə meydanın mərkəzinə dəvət edib. Bölgə təmsilçisi 80-ci dəqiqədə Bahadur Həziyevin qolu ilə fərqi azaltsa da, bundan artığına gücü çatmayıb.
Bu qələbədən sonra xallarını 56-ya çatdıran "Qarabağ" liderliyini möhkəmlədib. 16 xalı olan "Şamaxı" isə 7-ci sırada qalıb.
Günün son oyununda "Kəpəz" "Səbail"in qonağı olacaq.
Qeyd edək ki, açılış oyununda "Sumqayıt" evdə "Turan Tovuz"a 2:1 hesabı ilə qalib gəlib. Tura fevralın 1-də keçiriləcək Qəbələ" - "Sabah" və "Neftçi" - "Zirə" görüşləri ilə yekun vurulacaq.
---------------------------------
Bu gün Misli Premyer Liqasında XX turun daha 2 oyunu keçiriləcək.
Sportnet.az-ın məlumatına görə, günün ilk matçında lider 53 xalla turnir cədvəlinə başçılıq edən "Qarabağ" 16 xalla 7-ci pillədə gedən "Şamaxı"nı qəbul edəcək.
Komandalar indiyədək ölkə çempionatında 72 dəfə üz-üzə gəlib. Bunların 35-i Ağdam təmsilçisinin, 13-ü isə bölgə klubunun xeyrinə başa çatıb. 24 matçda qalib müəyyənləşməyib. Topların nisbətində də "köhlən atlar"ın aşkar üstünlüyü var - 103:43.
"Qarabağ" 17 oyundur uduzmur. “Şamaxı” 5 matçdır qol vurmur. Son üç qarşılaşmada böyükhesablı nəticə qeydə alınıb.
Günün son qarşılaşmasında isə "Kəpəz" "Səbail"in qonağı olacaq. Bu görüşü autsayderlərin dueli kimi də qiymətləndirmək olar. Hazırda Gəncə təmsilçisi 13 xalla 9-cu, Bakı klubu isə 10 xalla sonuncudur.
İki kollektiv bunadək Premyer Liqada 6 dəfə qarşılaşıb. 3 oyunda "dənizçilər", 2 matçda "sarı-göylər" qələbə qazanıb. Bir qarşılaşma heç-heçə ilə yekunlaşıb. "Səbail"in 10 qoluna "Kəpəz" 9 topla cavab verib.
Son iki oyunda böyük hesab qeydə alınıb. “Kəpəz” son 5 matçda, “Səbail” isə bütün ev görüşlərində qol vurub.
Misli Premyer Liqası
XX tur
31 yanvar (çərşənbə axşamı)
16:00. “Qarabağ” – “Şamaxı” - 3:1
Qollar: Musa Qurbanlı, 22. Qara Qarayev, 46. Leandro Andrade, 63 - Bahadur Həziyev, 80
Hakimlər: Kamranbəy Rəhimov, Zeynal Zeynalov, Zöhrab Abbasov, Emin Əliyev
Hakim-inspektor: İmanxan Sultani
AFFA nümayəndəsi: Elçin Məmmədov
“Azersun Arena".
18:30. “Səbail” – “Kəpəz” - 1:0
Qol: Franko Mazurek, 77
Hakimlər: Tural Qurbanov, Müslüm Əliyev, Kamran Bayramov, İnqilab Məmmədov
Hakim-inspektor: Ömər Paşayev
AFFA nümayəndəsi: Seymur Səlimli
“ASCO Arena”.
Qeyd edək ki, açılış oyununda "Sumqayıt" evdə "Turan Tovuz"a 2:1 hesabı ilə qalib gəlib. Tura fevralın 1-də keçiriləcək Qəbələ" - "Sabah" və "Neftçi" - "Zirə" görüşləri ilə yekun vurulacaq.
