"Şadam ki, növbəti 3 xalımızı qazandıq. Oyun barədə isə şərh vermək istəmirəm. Çünki mən komandamın oyunundan narazıyam". Sportnet.az-ın məlumatına görə, bu sözləri "Qəbələ"nin baş məşqçisi Roman Qriqorçuk Topaz Premyer Liqasının XXXI turu çərçivəsində "Xəzər Lənkəran"a qarşı keçirdikləri oyundan sonra deyib.
Ukraynalı mütəxəssis 1:0 hesabı ilə qalib gəldikləri matç haqda fikirlərini belə davam edib: "Mənim üçün qələbə seriyasının fərqi yoxdur. Lənkərandakı oyun dərs oldu. Bu oyun eyni səviyyədə qalıb-qalmamağımızı yoxlamaq üçün bir dərs kimidir. Bəlkə də bəzi futbolçular düşünüb ki, bu rəqibi biz rahatlıqla məğlub edəcəyik. Oyunçularım matça tam hazır deyildilər. Əslində, mən bilirdim ki, nə vaxtsa bu durumla üz-üzə qalacağam. Amma bunun "Xəzər Lənkəran”la oyuna təsadüf edəcəyini düşünmürdüm”.
