AFFA-nın İntizam Komitəsi Topaz Premyer Liqasının XXXIII turunda baş vermiş qayda pozuntularını müzakirə edib. Sportnet.az-ın məlumatına görə, iclasda aşağıdakı qərarlar qəbul edilib.
"Sumqayıt” – "Qəbələ” matçının 83-cü dəqiqəsində "Qəbələ”nin futbolçusu Ruslan Tağızadə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klub 200 manat cərimə olunub.
"Bakı” – AZAL matçının 73-cü dəqiqəsində "Bakı”nın futbolçusu Vüqar Bəybalayev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanıb. Klub isə 200 manat cərimə olunub.
Oyunun 90+2-ci dəqiqəsində "Bakı” futbolçusu Mahir Mədətov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb. Klub isə 2000 manat cərimə olunur.
