"Neftçi" klubu daha bir futbolçusu ilə müqaviləni pozub. Sportnet.az-ın klubun rəsmi saytına istinadən məlumatına görə, bu, yarımmüdafiəçi Mirhüseyn Seyidovdur.
Öz müraciəti əsasında 23 yaşlı oyunçunun sövdələşməsinə qarşılıqlı razılıq əsasında xitam verilib. Yarımmüdafiəçiyə azad agent statusu verilib.
"Neftçi"nin yetirməsi olduğu və klubdakı nailiyyətləri nəzərə alınaraq, Seyidovun formasını itirməməsi üçün mövsümün sonuna kimi əvəzedici komandada məşq etməsinə şərait yaradılıb. Futbolçuya gələcək karyerasında uğurlar arzulanıb.
Qeyd edək ki, "Neftçi" ötən gün Rauf Əliyevlə də müqaviləni pozub.
