UEFA Çempionlar Liqasında 1/8 final mərhələsinin ilk matçlarına yekun vurulub.
Sportnet.az xəbər verir ki, son oyun günündə də iki qarşılaşma baş tutub.
Portuqaliya “Portu”su doğma meydanda İngiltərənin “Arsenal” klubunu qəbul edib. Görüş meydan sahiblərinin minimal hesablı qələbəsi ilə başa çatıb. Yeganə qolu matçın əsas vaxtına əlavə olunmuş 4-cü dəqiqədə Qaleno vurub.
Digər matçda isə İspaniya “Barselona”sı İtaliyada “Napoli”nin qonağı olub. Neapoldakı qarşılaşmada qalib müəyyənləşməyib - 1:1. Hesabı 60-cı dəqiqədə Robert Levandovskinin vurduğu qolla qonaqlar açıblar. Meydan sahiblərinin heyətində isə 75-ci dəqiqədə Viktor Osimxen fərqlənib.
Qeyd edək ki, bu komandalar arasında cavab görüşləri martın 12-də oynanılacaq.
-------------------------------------
UEFA Çempionlar Liqasında 1/8 final mərhələsinin ilk oyunları çərçivəsində bu gün son iki görüş keçiriləcək.
Sportnet.az xəbər verir ki, qarşılaşmalar Portuqaliya və İtaliyada baş tutacaq.
“Portu” doğma meydanda İngiltərə “Arsenal”ını qəbul edəcək. “Barselona” isə İtaliyada “Napoli”nin qonağı olacaq.
UEFA Çempionlar Liqası
1/8 final, ilk oyunlar
21 fevral
00:00. “Portu” (Portuqaliya) – “Arsenal” (İngiltərə) - 1:0
Qol: Qaleno, 90+4
Baş hakim: Sərdar Gözübüyük (Niderland).
Portu, “Draqau” stadionu.
00:00. “Napoli” (İtaliya) – “Barselona” (İspaniya) - 1:1
Qollar: Viktor Osimxen, 75 - Robert Levandovski, 60
Baş hakim: Feliks Zvayer (Almaniya).
Neapol, “Dieqo Maradona” stadionu.
Qeyd edək ki, bu cütlərdə cavab oyunları martın 12-də keçiriləcək.
