Azərbaycan Premyer Liqasında XXVI tura yekun vurulub.
Sportnet.az xəbər verir ki, son oyunda çempion “Qarabağ” meydançaya çıxıb.
Ağdam təmsilçisi qış fasiləsindən sonra uğursuz nəticələrlə yadda qalan “Zirə”ni qəbul edib. Qarşılaşmada hesabı 43-cü dəqiqədə meydan sahibləri açıblar. “Qarabağ”ın hücumçusu Nəriman Axundzadə qapıçı ilə təkbətək şansı əldən verməyib. 77-ci dəqiqədə bu dəfə Riçard Almeyda penaltini dəqiq yerinə yetirib.
İki dəqiqə sonra qonaqlar ümidləniblər. “Zirə”nin yeni transferi Sezar Meza Kolli adını tabloya yazdırıb. Lakin qəsəbə təmsilçisinin ümidinin üstündən cəmi iki dəqiqə sonra Adama Diakabi xətt çəkib.
Beləliklə, 3:1 hesablı qələbə qazanan “Qarabağ” çempionluğa bir addım da yaxınlaşıb. Qurban Qurbanovun kollektivi ən yaxın izləyicisi “Sumqayıt”ı 24 xal qabaqlayır.
Turun əvvəlki oyunlarında “Sumqayıt” “Səbail”i səfərdə (1:0), “Sabah” “Qəbələ”ni (2:1), “Turan Tovuz” “Araz-Naxçıvan”ı (2:0) evdə məğlub edib, “Kəpəz”lə “Neftçi” qollu bərabərə (3:3) qalıblar.
Qeyd edək ki, Premyer Liqada XXVII turun matçları 15-17 mart aralığında keçiriləcək.
--------------------------------
Azərbaycan Premyer Liqasında XXVI tur davam edir.
Sportnet.az-ın məlumatına görə, daha bir oyun keçirilib.
Günün ilk matçı Tovuzda oynanılıb. Yerli "Turan Tovuz" "Araz-Naxçıvan"ı qəbul edib.
Qarşılaşmanın taleyini son 15 dəqiqədə vurulan qollar həll edib. 78 və 80-ci dəqiqələrdə vurduğu qollarla dubla imza atan braziliyalı hücumçu Aleks Souza "Turan Tovuz"a 2:0 hesablı qələbə qazandırıb.
Bu qalibiyyət sayəsində yeddinci pillədəki tovuzlular xallarının sayını 35-ə çatdırıblar. Naxçıvan təmsilçisi isə 31 xalla səkkizinci yerdə qalıb.
Turun əvvəlki oyunlarında “Sumqayıt” “Səbail”i səfərdə (1:0), “Sabah” “Qəbələ”ni evdə (2:1) minimal fərqlə məğlub edib, “Kəpəz”lə “Neftçi” qollu bərabərə (3:3) qalıblar.
Qeyd edək ki, tura bu gün keçiriləcək "Qarabağ" - "Zirə" görüşü ilə yekun vurulacaq.
_________________
Bu gün Azərbaycan Premyer Liqasında XXVI tura yekun vurulacaq.
Sportnet.az-ın məlumatına görə, son gündə iki oyun keçiriləcək.
Günün ilk görüşündə "Turan Tovuz" və "Araz-Naxçıvan" komandaları üz-üzə gələcəklər. Tovuz klubu 32 xalla 7-ci, Naxçıvan təmsilçisi 31 xalla 8-ci pillədə qərarlaşıb.
Tur "Qarabağ" - "Zirə" matçı ilə başa çatacaq. “Köhlən atlar” 60 xalla 1-ci, “qartallar” 36 xalla 6-cı yerdədir.
Qeyd edək ki, turun əvvəlki oyunlarında “Sumqayıt” “Səbail”i səfərdə (1:0), “Sabah” “Qəbələ”ni evdə (2:1) minimal fərqlə məğlub edib, “Kəpəz”lə “Neftçi” qollu bərabərə (3:3) qalıblar.
Azərbaycan Premyer Liqası
XXVI tur
10 mart
15:30. “Turan Tovuz” – “Araz-Naxçıvan” - 2:0
Qollar: Alesk Souza, 78; 80
Baş hakim: Rəşad Əhmədov
Tovuz şəhər stadionu
18:00 "Qarabağ" – "Zirə" - 3:1
Qollar: Nəriman Axundzadə, 43. Riçard Almeyda, 77. Adama Diakabi, 81 - Sezar Meza Kolli, 79
Baş hakim: Əliyar Ağayev
Tofiq Bəhramov adına Respublika stadionu
