Azərbaycan Premyer Liqasında növbəti oyunlar keçirilib.
Sportnet.az xəbər verir ki, XXVIII turun ikinci gününün matçları Bakıda baş tutub.
Hər iki qarşılaşmada turnir cədvəlindəki qonşular üz-üzə gəlib. "Səbail" "Turan Tovuz"u qəbul edib. Oyunda tərəflər hərəyə 1 qol vurublar.
Bakı derbisində "Sabah"la "Zirə" qarşılaşıb. Görüşün taleyini bir qol həll edib. Birinci hissədə hesabı açan "Zirə" sonadək üstünlüyünü qoruyub.
Qeyd edək ki, tura sabah yekun vurulacaq.
_________________
Azərbaycan Premyer Liqasında XXVIII turun daha bir oyunu keçirilib.
Sportnet.az xəbər verir ki, avrokuboklara vəsiqə uğrunda mübarizə aparan “Səbail” və “Turan Tovuz” komandaları “ASCO Arena”da üz-üzə gəliblər. Qarşılaşmada qalib müəyyənləşməyib – 1:1.
Matçda hər iki qol ilk hissədə vurulub. Hesabı 21-ci dəqiqədə meydan sahiblərinin heyətində Pedro Nunu açıb. Birinci yarının əsas vaxtına əlavə olunmuş 3-cü dəqiqədə isə qonaqlar Fərid Nəbiyevin penaltidən vurduğu qolla hesabı bərabərləşdiriblər.
Bu nəticədən sonra “Səbail” xallarını 38-ə, “Turan Tovuz” isə 36-ya yüksəldib. Komandalar turnir cədvəlində, müvafiq olaraq, 6-7-ci yerləri bölüşdürürlər.
Günün son matçında “Zirə” “Sabah”ın qonağı olacaq.
Qeyd edək ki, ilk oyun günündə “Neftçi” səfərdə “Qəbələ”ni 1:0, “Qarabağ” isə “Kəpəz”i 6:1 hesabı ilə məğlub edib. Tura martın 31-də keçiriləcək “Sumqayıt” – “Araz-Naxçıvan” matçı ilə yekun vurulacaq.
-------------------------------
Azərbaycan Premyer Liqasında bu gün XXVIII turun növbəti iki oyunu keçiriləcək.
Sportnet.az xəbər verir ki, hər iki qarşılaşma Bakıda baş tutacaq.
Medallar uğrunda mübarizə aparan komandaların duelləri müvafiq olaraq "ASCO Arena" və "Bank Respublika Arena"da gerçəkləşəcək.
Azərbaycan Premyer Liqası
XXVIII tur
30 mart
16:30. “Səbail” – “Turan Tovuz” - 1:1
Qollar: Pedro Nunu, 21 - Fərid Nəbiyev, 48 (penalti)
Hakimlər: Rəvan Həmzəzadə, Cəmil Quliyev, Teymur Teymurov, Fərid Hacıyev.
Hakim-inspektor: Babək Quliyev.
AFFA nümayəndəsi: Asif Əliyev.
“ASCO Arena”
19:00. “Sabah” – “Zirə” - 0:1
Hakimlər: Elçin Məsiyev, Elşad Abdullayev, Pərvin Talıbov, Rauf Allahverdiyev.
Hakim-inspektor: Ömər Paşayev.
AFFA nümayəndəsi: Azər Əsgərov.
“Bank Respublika Arena”
Qeyd edək ki, Azərbaycan Premyer Liqasında XXVIII tura martın 29-da iki oyunla start verilib. "Neftçi" səfərdə "Qəbələ"ni 1:0 hesabı ilə üstələyib. Tofiq Bəhramov adına Respublika stadionunda "Kəpəz"i darmadağın (6:1) edən "Qarabağ" isə sona 8 tur qalmış 11-ci çempionluğunu rəsmiləşdirib.
