Azərbaycan Premyer Liqasında XXXI turun görüşlərinə yekun vurulub.
Sportnet.az xəbər verir ki, turun bağlanış matçında "Araz Naxçıvan" "Səbail"i qəbul edib.
"Liv Bona Dea" arenada keçirilən matçda qonaqlar 2:0 hesablı qələbəyə seviniblər. Bakılıların heyətində 32-ci dəqiqədə Aleksandr Ramanlinqom penalti zərbəsini dəqiq yerinə yetirib. 75-ci dəqiqədə isə Yusif Nəbiyev paytaxt klubunun üstünlüyünü 2 topa çatdırıb.
Bu nəticənin ardından Şahin Diniyevin komandası xal ehtiyatını 42-yə çatdırmaqla, altıncı pillədə qərarlaşan "Turan Tovuz"un mövqeyinə şərik olub.
Naxçıvan klubu isə 32 xalla səkkizinci pillədə qalıb.
Qeyd edək ki, turun digər görüşlərində bu nəticələr qeydə alınıb: "Turan Tovuz" - "Sumqayıt" - 1:4, "Qarabağ" - "Qəbələ" - 2:2, "Zirə" - "Neftçi" - 3:1, "Kəpəz" - "Sabah" - 1:2.
-----------------------------------
Azərbaycan Premyer Liqasının XXXI turu çərçivəsində "Kəpəz" "Sabah"la üz-üzə gəlib.
Sportnet.az xəbər verir ki, Tovuz şəhər stadionunda keçirilən matçda gəncəlilər 1:2 hesabı ilə uduzub. Paytaxt təmsilçisinin heyətində hesabı 12-ci dəqiqədə Kahim Parris açıb. 34-cü dəqiqədə isə İshak Belfodil komandasının üstünlüyünü iki topa çatdırıb. "Sarı göylərin" heyətində Olavale Onanuqanın 61-ci dəqiqədə vurduğu qol yekun nəticəni təyin edib - 1:2.
Qeyd edək ki, tura "Araz Naxçıvan" - Səbail" görüşü ilə yekun vurulacaq.
----------------------------------------
Bu gün Azərbaycan Premyer Liqasında XXXI tura yekun vurulacaq.
Sportnet.az xəbər verir ki, son oyun günündə "Kəpəz" - "Sabah" və "Araz Naxçıvan" - "Səbail" görüşləri keçiriləcək.
Hesabat turunda 17 xala malik "Qəbələ"nin Premyer Liqada rəsmən sonuncu yeri tutacağı dəqiqləşə bilər. Bunun üçün 31 xalı olan gəncəlilər "Sabah"a qalib gəlməli, 32 xala sahib Naxçıvan təmsilçisi isə "Səbail"lə heç-heçə etməlidir.
Qeyd edək ki, XXXI turun digər görüşlərində "Sumqayıt" səfərdə "Turan Tovuz"u 4:1, "Zirə" isə doğma meydanda "Neftçi"ni 3:1 hesabı ilə məğlub edib. "Qarabağ" - "Qəbələ" matçı 2:2 hesabı ilə yekunlaşıb.
Premyer Liqa
XXXI tur
21 aprel (bazar)
16:30. “Kəpəz” –“ Sabah” - 1:2
Qollar: Olavale Onanuqa, 61 - Kahim Parris, 12. Ishak Belfodil, 34
Hakimlər: Rauf Cabarov, Elşad Abdullayev, Teymur Teymurov, Əli Əliyev
Hakim-inspektor: Vüsal Əliyev
AFFA nümayəndəsi: Kifayət Mustafayeva
Tovuz şəhər stadionu.
19:00. “Araz-Naxçıvan”– “Səbail” - 0:2
Qollar: Aleksandr Ramalinqom, 32 (pen.). Yusif Nəbiyev, 75
Hakimlər: Tural Qurbanov, Müslüm Əliyev, Kamran Bayramov, Nicat İsmayıllı
Hakim-inspektor: Anar Salmanov
AFFA nümayəndəsi: Məmmədəli Məmmədov
“Liv Bona Dea Arena”.
