Azərbaycan futzal yığması dünya çempionatının final mərhələsinə vəsiqə uğrunda oyuna çıxıb. Sportnet.az-ın məlumatına görə, Tino Peresin baş məşqçi olduğu komanda Hollandiya ilə "pley-off" mərhələsinin ilk görüşündə üz-üzə gəlib.
Səfər matçı Azərbaycan yığmasının inamlı qələbəsi ilə nəticələnib. Bununla da futzalçılarımız bu il Kolumbiyada keçiriləcək dünya çempionatının final mərhələsində iştirak etmək vəzifəsini demək olar vaxtından əvvəl həll edib. Hər halda, səfərdə edilən bu darmadağın Azərbaycan millisinin şanslarını xeyli artırıb və aprelin 12-də Bakı İdman Sarayında keçiriləcək cavab matçında vəsiqəni sadəcə, rəsmiləşdirmək lazımdır.
Dünya çempionatının pley-off mərhələsi
İlk oyun
22 mart
23:00. Hollandiya - Azərbaycan - 1:5
Qollar: Jamal El Ghannouti, 10 - Amadeu Fernandes da Silva, 5, 29, Fineo de Araujo, 13, Augusto Cesar, 28, Vitali Borisov, 31
Hollandiya: 1. Ennes van Maasbommel 3. Jamal El Ghannouti 4. Tevfik Ceyar 8. Zahid El Morabiti (k) 10. Mohamad Attaibi Ehtiyat oyunçular: 12. Manuel Kuyk 2. Yoshua St. Juste 5. Said Bouzambou 6. Karim Mossaoui 7. Zakaria Amrani 9. Mats Velseboer 11. Amir Molkarai 13. Anes Beslija 14. Mohamed Darri
Baş məşqçi: Marcel Loosveld
Azərbaycan: 12. Rövşən Hüseynli 5. Fineo de Araujo 6. Eduardo Mello 9. Augusto Cesar 15. Rafael Durval
Ehtiyat oyunçular: 1. Emin Kürdov 4. Ramiz Çovdarov 7. Rəcəb Fərəczadə 8. Rizvan Fərzəliyev (k) 10. Amadeu Fernandes 11. Namiq Məmmədkərimov 14. Vitali Borisov 16. Xətai Bağırov 17. İsa Atayev
Baş məşqçi: Tino Peres
Hakimlər: Ondrjey Çernı (Çexiya), Sedrik Pelissye (Fransa), Sven Ayxler (Almaniya)
Almere. "Topsportcentrum" arenası.
