Almaniyanın Riza şəhərində akrobatika gimnastikası üzrə 27-ci Avropa Çempionatı keçirilib. Sportnet.az-ın məlumatına görə, yarışlarda Azərbaycan böyüklərin proqramı ilə çıxış edən qadın qrupu ilə təmsil olunub.
Aynur Hüseynova, Lalə Hüseynova və Nərmin Ramazanovadan ibarət üçlük çoxnövçülükdə bürünc medalın bir addımlığında dayanaraq, 4-cü yerdə qərarlaşıb. Lalə Hüseynovanın zədəli ayaqla çıxış edib.
Təsnifat mərhələsinin nəticələrinə əsasən qadın qrupu hər iki finala vəsiqə qazanıb. Balans hərəkətlərində qrup onlara olduqca yaxın olan "bürüncü" qazanmaq fürsətini qaçırıb. 27,640 xal toplayan üçlük, 3-cü yerin sahibi olan Ruisya qrupundan (27.700) cəmi 0,06 xal geri qalıb.
Temp hərəkətləri finalında isə qadın qrupu 5-ci yerdə qərarlaşıb.
