Azərbaycanı 2016-cı il Rio-de-Janeyro Yay Olimpiya Oyunlarında təmsil edən güllə atıcısı Ruslan Lunyov daha bir yarışda mübarizəyə qoşulub. Sportnet.az-ın məlumatına görə, 27 yaşlı idmançı 25 metr məsafəyə sürətlə atəş açma yarışının ilkin mərhələsində çıxış edib.
O, 288 xalla 26 iştirakçı arasında 14-cü yeri tutub.
İkinci mərhələ 13 avqust saat 16:00-da, final mərhələsi isə saat 19:30-da start götürəcək.
Qeyd edək ki, avqustun 6-da Ruslan Lunyov kişilər arasında 10 metr məsafəyə pnevmatik tapançadan atəşaçma yarışlarında təsnifat mərhələsini 55 idmançı arasında 15-ci yerdə başa vurub. O, ilk "8-liy"ə düşə bilmədiyi üçün mübarizəni dayandırıb.
