1 | Qarabağ | 18 | 47 |
2 | Araz-Naxçıvan | 18 | 39 |
3 | Turan Tovuz | 18 | 32 |
4 | Zirə | 18 | 30 |
5 | Sabah | 18 | 26 |
6 | Sumqayıt | 18 | 20 |
7 | Şamaxı | 18 | 17 |
8 | Neftçi | 18 | 17 |
9 | Kəpəz | 18 | 11 |
10 | Səbail | 18 | 9 |
Ətraflı |
Rüstəm Orucov: "Mən özbəyi gözləyirdim"
Azərbaycan Dövlət Bədən Tərbiyəsi və İdman Akademiyası (ADBTİA) və Milli Olimpiya Komitəsinin birgə təşkilatçılığı ilə "Zirvə görüşləri” adlı yeni layihəyə start verilib.
Gənclər və İdman Nazirliyinin mətbuat xidmətindən Sportnet.az-a verilən məlumata görə, layihənin əsas məqsədi idman sahəsində yüksək nailiyyətlər əldə edən, tanınan idmançılarla tələbələrin görüşünü təşkil etmək, gənclərin müsbət nümunələrlə idman mədəniyyətinə motivasiyalarını artırmaqdır. Layihə çərçivəsində ilk görüş oktyabrın 7-də keçirilib. Görüşün qonağı XXXI Yay Olimpiya Oyunlarında Azərbaycanı təmsil edən və gümüş medal qazanan cüdoçu Rüstəm Orucov olub. Tələbələr cüdoçunun çıxışını böyük maraqla qarşılayıblar. Belə ki, öz uğur hekayəsini tələbələrlə paylaşan Rüstəm Orucov məqsədə çatmaq uğrunda apardığı mübarizədən və hədəflərin düzgün müəyyənləşdirilməsinin əhəmiyyətindən söhbət açıb.
2016-cı il Rio-de-Janeyro Yay Olimpiya Oyunlarındakı qələbəsindən də danışan Orucov Rioda Azərbaycana ilk medalı qazandırdığına görə çox sevindiyini bildirib: "Görüşlərimin hamısı çətin oldu. 1/4 finalda macarı deyil, özbək idmançını gözləyirdim. Amma bu, olimpiadadır. Bu gün kim yaxşı hazırdırsa, o da irəli gedir. Finalda da qələbə əzmində idim, amma yapon rəqibim çox güclü idi. Qarşıda yenə olimpiada var. Var gücümlə çalışacağam ki, doğma Azərbaycanımızın bayrağını daim yüksəldim".
Orucov daha sonra tələbələrin suallarını cavablandırıb, dəyərli məsləhətləri ilə onlara stimul verib. Cüdoçu eyni zamanda bu cür görüşlərin çox əhəmiyyətli olduğunu, məzunu olduğu ADBTİA-da son dövrlər baş verən müsbət dəyişikliklərə və intensiv inkişafla bağlı sevincini bildirib.
Qeyd edək ki, XXXI Yay Olimpiya Oyunlarında Azərbaycan 56 idmançı ilə təmsil olunub. Millimiz Rioda 18 medal (1 qızıl, 7 gümüş və 10 bürünc) qazanmaqla, "London-2012"də göstərdiyi nəticəni yaxşılaşdırıb. Ötən olimpiadada millimiz 10 medal (2 qızıl, 2 gümüş, 6 bürünc) qazanıb.