Azərbaycanın Cənubi Koreyanın Pxençxan şəhərindəki XXIII Qış Olimpiya Oyunlarında yeganə təmsilçisi Patrik Braxnerin də iştirak etdiyi dağ xizəkçiliyinin slalom növündə qalib müəyyənləşib.
Sportnet.az-ın məlumatına görə, ikinci keçiddə daha inamlı təsir bağışlayan isveçli Andre Mürer bütün rəqiblərini qabaqlayıb. İsveçrəli Ramon Tsenhoyzern gümüş, avstriyalı Mixael Matt isə bürünc medal qazanıb.
Həlledici mərhələdə 52 slalomçu iştirak edib. Finişə 43 idmançı çata bilib ki, onların arasında Ermənistan təmsilçisi Aşot Karapetyan da var. Karapetyan 42-ci yeri tutub.
Qeyd edək ki, Patrik Braxner birici keçiddə yıxılaraq finişə çata bilmədiyi üçün mübarizəni erkən dayandırıb.
