Avropa Olimpiya Komitəsinin prezidenti Patrik Hikki Braziliyada həbs olunub. Sportnet.az-ın məlumatına görə, Beynəlxalq Olimpiya Komitəsinin İcraiyyə Komitəsinin də üzvü olan bu şəxs Rio-de-Janeyro şəhəri polisi tərəfindən tutulub. O, "Rio-2016" Yay Olimpiya Oyunlarına qanunsuz bilet satışına bağlılıqda şübhəli bilinir.
Hikki qaldığı oteldə həbs olunub. O, bundan sonra özünü pis hiss edib və xəstəxanaya aparılıb.
Rio-de-Janeyro polisi qanunsuz bilet satışı ilə bağlı artıq 40-dək şübhəli şəxsi saxlayıb. Bunlardan biri Böyük Britaniyann THG şirkətinin irlandiyalı prezidenti Ceyms Mellondur. O, beynəlxalq cinayətkar qrupla əlaqələrdə ittiham olunur. Mellonun böyük idman yarışlarına qanunsuz bilet satışı ilə məşğul olduğu bildirilir.
