Rusiyalı idmançı Yelena İsinbayeva Beynəlxalq Olimpiya Komitəsinin (İOC) İdmançılar Komissiyasına üzv seçilib. Sportnet.az-ın məlumatına görə, 5 min 185 idmançının iştirak etdiyi sorğu nəticəsində İsinbayeva ilə yanaşı almaniyalı qılıncoynadan Britta Heydemann, cənubi koreyalı stolüstü tennisçi Seuq Min Ryu və macarıstanlı üzgüçü Daniel Qyurta da üzvlük haqqı qazanıb.
Adı çəkilən şəxslər 17 nəfərdən ibarət komissiyada yer alacaq.
Qeyd edək ki, Dünya Anti-dopinqlə Mübarizə Agentliyi (WADA) Beynəlxalq Atletika federasiyaları Birliyini və Rusiya Atletika Federasiyasının (ARAF) üzvlüyünü dopinqə dəstək səbəbindən dondurmuşdu. 34 yaşlı Y.İsinbayeva isə bir müddət öncə ARAF prezidentliyinə namizəd olduğunu açıqlamışdı.
