2014-2015 mövsümünü "qızıl dubl"la başa vuran Ağdamın "Qarabağ" klubu hazırda istirahətdədir. Sportnet.az-ın klubun rəsmi saytına istinadən məlumatına görə, komandanın legionerləri vətənlərinə yollansa da, milli üzvləri yığmalarla birgə hələ də təlim-məşq toplanışdadılar.
"Qarabağ" yeni mövsüm üçün iyunun 18-də yığışacaq. Çempionlar Liqasının II təsnifat mərhələsindən yarışa başlayacaq komanda təlim-məşq toplanışı üçün Avstriyaya yollanacaq. Ötən il olduğu kimi, bu il də Ağdam təmsilçisi Almaniya - Avstriya sərhədində yerləşən Kössendə hazırlıq keçəcək. Püşkün nəticəsindən asılı olaraq, komandanın ölkəyə dönüş tarixi müəyyənləşəcək.
Qeyd edək ki, Çempionlar Liqasının qeyd olunan mərhələsinin oyunları 14-15 və 21-22 iyulda keçiriləcək. Püşkə əsasən, "Qarabağ" ilk oyunu evdə keçirməli olsa, iyulun 8-də Bakıya qayıdacaq.
