Bakı 2015 I Avropa Oyunlarında Ermənistanı yunan-roma güləşində təmsil edəcək Miqran Arutyunyan ölkə mətbuatına açıqlama verib. Sportnet.az-ın məlumatına görə, 26 yaşlı idmançı Azərəbaycanda keçirilən Avropa Oyunlarında iştirak etməkdən məmnun olduğunu bildirib.
2009-cu il Dünya Çempionatının gümüş mükafatçısı Bakıdan qələbə ilə dönəcəyinə ümid edir: "Səhhətimdə yaranmış problemlə əlaqədar olaraq ölkə çempionatında iştirak edə bilmədim. Bakıda iştirak etməyimə qərar verdikləri üçün ölkəmizin Olimpiya Komitəsi və Güləş Federasiyasına, eləcə də məşqçilər korpusuna minnətdarlığımı bildirirəm. Mən sevinclə razılıq verdim və Bakıda mübarizə aparmağa hazıram. Siyasi məsələlər idmançılara aid deyil. Yaxşı çıxış edəcəyimə ümid edirəm. Mənim xalqım uğur istəyir, mən də çalışacam ki, onlara qələbə hədiyyə edim".
