Maliyyə problemi yaşayan Zaqatalanın "Simurq" klubu daha bir futbolçu ilə yollarını ayırıb. Sportnet.az-ın məlumatına görə, bu barədə "Report"a klubun icraçı direktoru Vaqif Əliyev bildirib.
O deyib ki, kapitan İlkin Qırtımovun transfer vərəqəsi özünə verilib. Bundan sonra 25 yaşlı sağ cinah müdafiəçisi istədiyi komandaya keçə bilər.
Öz növbəsində gələcək karyerası ilə bağlı açıqlama verən İ.Qırtımov 2 yerli klubla danışıq apardığını bildirib: "Hazırda "İnter" və "Zirə" ilə danışıqlar davam edir. Hələ dəqiq qərar verməmişəm. Yaxın günlərdə bu məsələyə aydınlıq gələcək və hansı uyğundursa, o komandada da çıxış edəcəyəm".
Qeyd edək ki, İlkin Qırtımov "Simurq" klubunun yetirməsidir və 2009-cu ildən əsas heyətdə çıxış edir.
