Dünya Güləş Birliyi yunan-Roma güləşçilərinin yeni reytinq siyahısını açıqlayıb. Sportnet.az-ın məlumatına görə, siyahı iyunda keçirilmiş yarışların nəticələri əsasında tərtib olunub.
Siyahıya Azərbaycanın 10 klassik güləşçisinin adı daxil edilib. "Bakı 2015" I Avropa Oyunlarının qızıl medalçısı Rəsul Çunayev reytinqdəki birinciliyini qoruyub. Digər qızıl medalçı Elvin Mürsəliyev bir pillə yüksələrək 4-cü olub. Gümüş medala sahib olan Rafiq Hüseynov sıralamada 2-ci yerdə qərarlaşıb. Bürünc mükafatçı Elman Muxtarov isə 8 pillə irəliləyərək, 5-ci pilləni ələ keçirib.
Ötən ayın reytinq siyahısında olmayan ağır çəkili pəhləvanlar Orxan Nuriyev və Sabah Şəriəti Avropa Oyunlarında qazandıqları nailiyyətlə ilk "onluğ"a düşə bilib. Orxan Nuriyev 6-cı, Sabah Şəriəti isə 9-cu sırada qərarlaşıb. Gənclərin Avropa çempionatının qalibi İslam Abbasov da reytinq siyahısında mövqeyini qoruya bilib.
59 kq
5. Elman Muxtarov - Avropa Oyunları 3-cü yer (13)
20. Taleh Məmmədov - Təxti Kuboku turniri 1-ci yer (18)
66 kq
7. Həsən Əliyev - Avropa Oyunları 3-cü yer (5)
71 kq
1. Rəsul Çunayev - Avropa Oyunları 1-ci yer (1)
75 kq
4. Elvin Mürsəliyev - Avropa Oyunları 1-ci yer (5)
80 kq
2. Rafiq Hüseynov - Avropa Oyunları 2-ci yer (1)
85 kq
6. İslam Abbasov - Gənclərin Avropa çempionatı 1-ci yer (6)
11. Saman Təhmasibi - DÇ 2-ci yer (2)
98 kq
6. Orxan Nuriyev - Avropa Oyunları 5-ci yer (nr)
130 kq
9. Sabah Şəriəti - Avropa Oyunları 2-ci yer (nr)
Qeyd edək ki, idmançıların adları qarşısında onların iştirak etdikləri son yarışda əldə etdiyi nəticə, mötərizədə isə bundan əvvəlki reytinq siyahısında tutduqları yer göstərilib.
