"Bakı" klubu Azərbaycan Premyer Liqasında çıxış edə bilər. Sportnet.az-ın məlumatına görə, bu barədə klubun icraçı direktoru Yaşar Seyidov məlumat verib.
Seyidov bildirib ki, hazırda "Bakı"nın prezidenti Hafiz Məmmədov AFFA-nın prezidenti Rövnəq Abdullayevlə görüşdədir: "Görüşdə komandanın Premyer Liqa, yoxsa I divizionda iştirakı məsələsi həll oluna bilər. Dünən də müəyyən şəxslərlə bu istiqamətdə danışıqlar aparılıb. Peşəkar Futbol Liqasının prezidenti Ramin Musayevlə də danışmışıq".
Klub rəsmisi növbəti mövsüm yenidən iddialı olacaqlarını da əlavə edib: "Bir neçə tanınmış futbolçu ilə danışığımız olub. Onların hələlik adlarını çəkmək istəmirəm. Premyer Liqa məsələmiz həll olunsa, onları transfer edəcəyik".
