Azərbaycan idmançısı Bəxtiyar Abbasov Rusiyanın Krasnodar şəhərində keçirilən "Tech-KREP FC: PRIME SELECTION" seriyalı turnirin dördüncü mərhələsinin qalibi olub. Sportnet.az-ın məlumatına görə, 30 yaşlı döyüşçü ukraynalı Artyom Şokalonu məğlub edib.
Görüş 3-cü raunddan sonra hakimlərin qərarı ilə Abbasovun xeyrinə başa çatıb.
Qeyd edək ki, döyüşdən bir gün öncə keçirilən çəkiölçmə mərasimi çərçivəsindəki ənənəvi baxış duelində Bəxtiyar Abbasovla Artyom Şokalo emosiyalarına sahib ola bilməyib. Söz savaşından sonra ukraynalı idmançı azərbaycanlı rəqibini sinəsindən itələyib. Bu da iki döyüşçü arasında münaqişəyə səbəb olub. Onları turnirin promouteri Aleksey Yatsenko aralaya və rinqdən kənarda davanın qarşısını ala bilib.
