"Bakı"dan ayrılan Jabanın yeni komandası müəyyənləşib. Sportnet.az-ın məlumatına görə, braziliyalı hücumçu Türkiyənin "Kuşadasıspor" klubu ilə müqavilə bağlayıb.
34 yaşlı forvardla 2 illik anlaşma əldə olunub. Onun üçün qarşılanma mərasimi təşkil olunub. Klub prezidenti Muşti Demiroğlu Jabanın menecerlər tərəfindən təklif olunduğunu bildirib. O, təcrübəli hücumçunun komandaya 3-cü liqaya vəsiqə qazanmaqda kömək edəcəyini vurğulayıb: "Jaba bizim üçün yay transfer dönəminin şirin meyvəsi oldu. Onu ötən mövsüm komandamıza böyük dəstək verən azarkeşlərimizə ərməğan edirik".
Qeyd edək ki, Jaba Qeyd edək ilk dəfə "Bakı”ya 2009-cu ildə "Ankaragücü"ndən transfer olunub. "Sambaçı" paytaxt klubunun heyətində Azərbaycan Kubokunu qazanıb. O, 2012-ci ilin qış "transfer pəncərəsi”ndə "Bakı”dan ayrıldıqcan sonra "Antalyaspor”la müqavilə bağlayıb. Ötən ilin oktyabrında isə Jaba "Bakı"ya qayıdaraq, mövsümün sonunadək komandanın Premyer Liqada qalması üçün çalışıb.
