Bakı "İnter"indən ayrılan Azərbaycan milli komandasının futbolçusu Vaqif Cavadovun karyerasını davam etdirəcəyi Türkiyə klubunun adı açıqlanıb. Sportnet.az-ın məlumatına görə, bu, I Liqada mübarizə aparan "Qaziantep Belediyespor"dur.
Cavadov Qaziantep komandası ilə 2 illik müqavilə bağlayıb. İmzalama mərasiminə klub prezidenti Abdulkadir Gözegir də qatılıb. Mətbuat katibi İbrahim Açıkgöz böyük hədəflərlə yola çıxan "Qaziantep Belediyespor" rəhbərliyinin güclü heyət qurmağa çalışdığını bildirib: "Heyətimizə daha bir önəmli oyunçu qatdıq. Cavadov artıq klubumuzun uğurları üçün tər tökəcək. O, Azərbaycanda 2009-cu ilin ən yaxşı futbolçusu seçilib. 25 yaşlı hücumçunun komandamıza faydalı olacağını düşünürəm".
Cavadov Qaziantep komandası ilə 2 illik müqavilə bağlayıb. İmzalama mərasiminə klub prezidenti Abdulkadir Gözegir də qatılıb. Mətbuat katibi İbrahim Açıkgöz böyük hədəflərlə yola çıxan "Qaziantep Belediyespor" rəhbərliyinin güclü heyət qurmağa çalışdığını bildirib: "Heyətimizə daha bir önəmli oyunçu qatdıq. Cavadov artıq klubumuzun uğurları üçün tər tökəcək. O, Azərbaycanda 2009-cu ilin ən yaxşı futbolçusu seçilib. 25 yaşlı hücumçunun komandamıza faydalı olacağını düşünürəm".
Qeyd edək ki, Vaqif Cavadov daha öncə 2010-cu ildə Hollandiya "Tvente"sində legioner həyatı yaşayıb. O, forma geyinə bilməsə də, Hollandiya çempionu olub. O, son klubu "İnter"in heyətində 33 matçda 14 qol vurub. "Qaziantep Belediyespor" isə ötən mövsüm Türkiyə I Liqasını 14-cü yerdə başa vurub.
Cavadovun Türkiyənin I Liqa klubu ilə anlaşdığına dair xəbəri ilk dəfə iyunun 24-də Sportnet.az yazıb.
Cavadovun Türkiyənin I Liqa klubu ilə anlaşdığına dair xəbəri ilk dəfə iyunun 24-də Sportnet.az yazıb.
