Azərbaycan Kubokunun oktyabrın 14-də keçiriləcək ilkin təsnifat oyunları 1 dəqiqəlik sükutla başlayacaq. Sportnet.az-ın məlumatına görə, ötən gün səhər saatlarında dünyasını dəyişmiş Tovuzun "Turan" klubunun sabiq futbolçusu və məşqçisi Sakit Aliyevin xatirəsi bu cür yad olunacaq.
MOİK - "Turan", "Şahdağ" - "Şəmkir" və "Şərurspor" - "Qaradağ-Löbatan" qarşılaşmalarından əvvəl 1 dəqiqəlik sükut elan olunacaq. S.Alıyevin xatirəsinin Azərbaycan Premyer Liqasının növbəti tur oyunlarında da yad olunub-olunmayacağı hazırda Azərbaycan millisinin oyunu ilə əlaqədar Bolqarıstanda olan PFL prezidenti Ramin Musayevin Bakıya qayıdışından sonra dəqiqləşəcək.
Qeyd edək ki, Sakit Alıyev uzun sürən xəstəlikdən sonra 50 yaşında vəfat edib.
