"Qəbələ" klubunun futbolçusu Aleksey Qay doğum günündə sürprizlə qarşılaşıb. Sportnet.az-ın məlumatına görə, "qırmızı-qaralar" Avropa Liqasının qrup mərhələsinin IV turunda "Borussiya" ilə görüşdən sonra Almaniyanın Borussiya şəhərindən qayıdarkən, təcrübəli yarımmüdafiəçiyə təyyarədə təbrik səslənib.
6 qat Ukrayna çempionu və UEFA Kuboku qalibinin ünvanına təbrik Azərbaycan Hava Yollarına məxsus aerobusun komandirinin müavini tərəfindən səsləndirilib. Daha sonra Qay konyak və şokalada qonaq edilib. Təcrübəli futbolçu onu ad günü münasibətilə alqışlayan təyyarənin sərnişinlərinə minnətdarlığını bildirib.
Qeyd edək ki, Aleksey Qay ən böyük titullarını Ukraynanın "Şaxtyor" klubunun heyətində ikən - 2006 - 2013-cü illərdə qazanıb. Ötən gün 33 yaşı tamamlanmış Qay "Qəbələ"yə bu ilin yanvarında keçib.
