Voleybolçu qadınlar arasında Azərbaycan Super Liqasına start verilib. Sportnet.az-ın məlumatına görə, 6 komandanın iştirakı ilə keçirilən ölkə çempionatının ilk turunda sürpriz nəticə qeydə alınıb.
CEV Kubokunda mübarizə aparan "Azəryol" komandası Çempionlar Liqasında yarışan "Azərreyl"ə qalib gəlib - 3:1 (27:25, 25:23, 15:25, 25:22). Çempionlar Liqasında mübarizə aparan daha 2 klubun - "Lokomotiv"lə "Telekom"un mübarizəsində "rabitəçilər" üstün olub - 3:1 (25:22, 15:25, 25:21, 27:25).
Super Liqaya 6-cı komanda kimi qatılan Gürcüstan təmsilçisi "Tbilisi" isə "Gənclik" klubuna yenilib - 0:3 (19:25, 19:25, 15:25).
Qeyd edək ki, bu gün "Tbilisi" "Azərreyl"lə, noyabrın 8-də isə "Telekom"la qarşılaşacaq. Noyabrın 15-də isə "Telekom" - "Azərreyl" və "Lokomotiv" - "Azəryol" matçları təşkil olunacaq.
