DÇ-2014-də Uruqvay yığmasının futbolçusu Luis Suaresin İtaliya millisinin oyunçusu Corco Kyellinini dişləməsini görməyən meksikalı referi Marko Rodriges karyerasını başa vurub. Sportnet.az-ın məlumatına görə, Rodriges karyerası və uğurları ilə yanaşı, problemlərindən də məmnun olduğunu açıqlayıb.
O, 3 dünya çempionatında iştirakdan sonra arzusunun yerinə yetdiyini anlayaraq, "tamam" demə vaxtının yetişdiyini qərar verib.
Qeyd edək ki, Uruqvay İtaliyanı 1:0 hesabı ilə məğlub edib. Marko Rodriges isə DÇ-2014-də son olaraq, Almaniyanın Braziliyanı 7:1 hesabı ilə yendiyi qarşılaşmanı idarə edib.
