"Hər bir işin əvvəli olduğu kimi, sonu da var. "Neftçi"də çalışdığım 4,5 il ərzində uğurlarımız göz qabağında oldu. Klub prezidenti Sadıq Sadıqova, yaratdığı şəraitə görə minnətdaram. İstefa, getmək böyük cəsarət tələb edir. Mən də bu yükü üzərimə götürərək, klubdan ayrılmağa qərar verdim". Bunu Sportnet.az-a açıqlamasında "Neftçi"nin vitse-prezidenti Tahir Süleymanov deyib.
Süleymanov Sloveniya "Koper"i ilə Avropa Liqasının II təsnifat mərhələsindəki ilk görüşdən sonra istefa qərarı verməsini büdcəsi "Neftçi"dən qat-qat aşağı olan rəqibə uduzmaları ilə əsaslandırıb: "Rəqibi aşağılamaq istəməzdim. Amma "Neftçi"nin hazırkı potensialı "Koper"dən minimum 10 dəfə üstündür. Büdcəsi maksimum 2 milyon avro olan komandaya uduzmağa haqqımız yox idi. Sloveniyalılar qol vurmadı, biz öz qapımızdan 2 top keçirdik. Düzdür, bəxtimiz də gətirmədi, amma belə səhvlərdən qol buraxmaq olmaz. Hələ cavab görüşü var, futbolçularımıza inanıram".
Süleymanov Sloveniya "Koper"i ilə Avropa Liqasının II təsnifat mərhələsindəki ilk görüşdən sonra istefa qərarı verməsini büdcəsi "Neftçi"dən qat-qat aşağı olan rəqibə uduzmaları ilə əsaslandırıb: "Rəqibi aşağılamaq istəməzdim. Amma "Neftçi"nin hazırkı potensialı "Koper"dən minimum 10 dəfə üstündür. Büdcəsi maksimum 2 milyon avro olan komandaya uduzmağa haqqımız yox idi. Sloveniyalılar qol vurmadı, biz öz qapımızdan 2 top keçirdik. Düzdür, bəxtimiz də gətirmədi, amma belə səhvlərdən qol buraxmaq olmaz. Hələ cavab görüşü var, futbolçularımıza inanıram".
Bununla yanaşı, Süleymanov məğlubiyyətin konkret şəxsin adına yazılması fikri ilə də razılaşmayıb: "Uğursuzluqdursa, hər birimiz məğlub olmuşuq. Günahkar axtarmaq lazım deyil".
