"Araz-Naxçıvan" klubu daha bir futbolçusu ilə yollarını ayırıb. Sportnet.az-ın klubun rəsmi saytına istinadən məlumatına görə, ötən mövsüm "Xəzər Lənkəran"dan transfer edilən Akif Tağıyevin müqaviləsi qarşılıqlı şəkildə ləğv edilib.
Səbəb Tağıyevin əvəzedici heyətdə oynamaqdan boyun qaçırmasıdır. Artıq çəkiyə malik və formada olmayan futbolçu, baş məşqçi Əsgər Abdullayevin qərarına əsasən əvəzedici heyətlə Qəbələyə yollanmalı idi. Lakin buna etiraz edən oyunçunu rəhbərlik komandadan uzaqlaşdırmağı qərara alıb.
