Rusiya milli komandasının futbolçusu Aleksandr Səmədov Azərbaycan yığması üzərində 4:0 hesablı qələbəni şərh edib. Sportnet.az-ın məlumatına görə, əslən azərbaycanlı yarımmüdafiəçi darmadağına çox sevindiklərini bildirib.
O deyib: "2 erkən qol vurduq. Bu, hər zaman yaxşı haldır. Hamımız belə böyük hesablı qələbəyə sevinirik. Kerjakovu yığmamızın məhsuldar hücumçuları siyahısında birinci pilləyə yüksəlməsi münasibətilə təbrik etdim. Hamımız onun nailiyyətinə sevinirik. Özünün də yaxşı əhval-ruhiyyəsi var".
Qeyd edək ki, millimizin qapısına vurulan ilk 2 qolun müəllifi Aleksandr Kerjakov olub.
